لمسة امل
27-04-2022 - 11:44 pm
السلام عليكم
راح ادخل في الموضوع لاني تعبت واحترت وتعبتكم معي
انا راح اجلس شهر من نهايه 6 الى نهايه 7
ورشحولي الاعضاء الله يوفقهم كليفورنيا لاني ابي الجو البارد
المهم الاخ عزيز الله يعزه ويجزيه عني خير ويجزيكم انتم كمان كل خير الانكم بالفعل ماقصرتوا معي
اقترح علي
سان فرانسيسكو 5 ايام.ن دييغو. 5 ايام. أورانج كاونتى 5 ايام و فيقاس 5 ايام. ولوس انجلس 10 ايام اخر شي
وهاذا التخطيط ناسبني والا وش رايكم؟
وكانت الوجه من جده الى لندن الى سان فرانسسكو
بس انا والله مااحب هجوله الترانزيت بس اذا هاذا انسب امري الى الله بس راح اكون جدا على مضض
انا ودي جده دايركت لكليفورنيا اذا تقدرون تساعدوني كيف ارتب هالرحله
وعلى حسب الترتيب 5 ايام في جنوب لوس انجلس و5 ايام في شمال لوس انجلس في الشمال
الصوره شبه واضحه لاني ودي اكون على البحر مباشرآ وشفت اوتيلات في سانتا مونكا لاني ودي بمدينه على البحر وتكون راقيه فمدري
وش رايكم في سانتامونكا هل هي نفس هليود في الرقي والالمشكله جنوب لوس انجلس ابي اسكن في منطقه راقيه مثل هوليود Beverly Hills وماني عارفه المناطق الراقيه في الجنوب
وبعدين منطقه اورنج كاونتي وش ارقي منطقه فيها ووش يميزها هالمنطقه لاني ماني عارفه شي عنها وقديش تبعد
عن لوس انجلس
سؤال آخر على الطاير وين مكان منتجع أتلانتس وهل هو قريب من لوس أنجلوس أو كليفورنيا بصفة عامة
الله يعافيكم ساعدوني انا عارفه اني مصختها معاكم بس بدت الامور توضح الا في اشياء بسيطه ابي العون منكم
بالنسبة للطيران للاسف لايوجد رحلات مباشرة من السعودية الى كاليفورنيا !!
اسهل طريقة الي تفضل بها لكم مميزنا عزيز عن طريق البريطانية ترانزيت في لندن
وارشح لكم الاماراتية ترانزيت في دبي الى احدى مدن كاليفورنيا سانفرانسيسكوا او لوس انجلس دايركت !!
بالنسبة للسكن مين الي قال ان هولوود راقية !!
هذا كان زمان الحين الوضع تغير تماماً بفرلي هلز منطقة سكن للممثلين واسواق وهي ممتازة ولاكن اذا ودكم على البحر
فسانتا مونيكا اختيار مناسب في الشمال
اما الجنوب مافي اروع من نيوبورت بيتش !!
واي معلومات عن المسافات والفنادق ان شاء الله بتلاقوها في هذا التقرير !!
https://artravelers.com/p/re/292781
اتلانتس منتجع في جزر الباهامز واقرب نقطة له هو جنوب شرق امريكا مدينة ميامي !!
يعني بالطائرة من كاليفورنيا حوالي 7 ساعات !!
اتمنى لكم التوفيق ,,