بسم الله الرحمن الرحيم
السلام عليكم و رحمة الله و بركاته
اخواني و اخواتي اعضاء منتديات العرب المسافرون....تحيه طيبه و بعد
انا من زمان اتابع التقارير بالبوابه السويسريه بس ما كنت مسجله كنت اخش يوزر بس...لكن تقاريركم الله يعطيكم العافيه
تخلي الواحد يتحمس و يسجل غصب ويروح على سويسرا كمان ههه
المهم مالكم بطول السالفه
أنا الله يسلمكم عمري ماسافرت برى بحياتي و يوم فكرت اسافر قررت اني اروح سويسرا...كلمت الوالد قال لي قداام هو
عليه الفلوس وانا علي التخطيط والحجز وكل شي..
المهم انه اذا الله وفقنا و تمم بنسافر يوم 20 يناير 2012
اول سؤال...كيف الجو يكون في يناير عادة ؟؟
ثانيا بنسافر انا وماما وبابا واخواني الاربعه كلهم كبار طبعا..يعني كم راح تكلفنا تذاكر طيران؟؟ كمان سمعت انه يكون فيه
عروض مخفضه على التذاكر بس متى وكيف؟ وشغلة تحويل العملات و الفيزا و و و هذي شلون بعد مافهمتها..
ثالث شي ...تكفون ثم تكفون هذا اللي يسمونه شنقن مدري شنو وشلون اطلعه
رابع شي ابيكم تسااعدوني ارتب جدول لرحلتي لاني من كثر التقارير وكل واحد اروع من الثاني انا انهبلت معاد ادري وين
اروح بس احس الكل يمدح انتر لاكن ولا ..؟؟ والسكن يوم امي شافت المناظر والروعه قالت ما تبي بالمدن تبي بالريف
والقرى...وللمعلوميه لا اخواني يعرفون يسوقون وابوي يقول ماراح يعرف يسوق هناك يعني لو بنجيب سواق وسيارته طول
فترة الرحله كم راح يكلفنا..
ودنا نروح بالتلفريك اللي مفتوح هذا وين نلاقيه
والقمم مكان الثلوج كيف
بعد الزحليقه الصيفيه و الشلالات والبحيره الزرقاء
ولا تنسون بيت هايدي
و اليورب بارك اللي بالمانيا سمعت انه نقدر نروح لها بالقطار..
ادري اني قروشتكم وطلباتي كثير بس ترى والله مالي الا الله ثم انتم ........ تكفون اوقفوا معي خطوه خطوه اصلا لسه
باقي كثير عالسفر بس بارتب كل شي من الحين....
انا باقعد على هالتقارير ليل نهار و كل واحد يقرا موضوعي يفيدني ولو بالقليل وشكرا..