(( مسائكم ياسمين دمشقي ))
اخوي
هلا بك
بالنسبة للبرنامج ميل على هالبرامج يمكن تلاقي شيء يعجبك
https://artravelers.com/p/re/176101
وايضا مر على المواضيع المثبتة وبعض التقارير ومؤكد انك راح تستفيد منها
والجميع بخدمتك وخدمة الطيبين
واتمنى لكم رحلة ممتعة وموفقة

مشكور ويعطيك العافية
اخوي الغالي ودي استفيد منك من ناحية السائقين باليومي ارقامهم ويكون حسن تعامله طيب وامين
شاكرا لك ومقدراً والله يوفقك ويستر عليك
اخوك الحبيب

الله يعافيك وما سويت شيء
حاضرين
وتبي الصراحة اعرف كذا سواق وواثق فيهم
ومعرفتي فيهم مو بس توصلية مشوار وخلاص لا
معرفة قديمة وهم بالأساس اصدقاء وبيننا روحات وجيات وطلعات
لكن المشكلة ان إدارة المنتدى تمنع كتابة العناوين والأرقام
لذلك ارجو انك تعذرني
لكن فيه السائق حسام ابو محمد وهو من اعضاء المنتدى وخاصة هالبوابة
واكثر الأعضاء تعاملوا معه
وللأمانة انا ما اعرفه لكني والله حبيته وواثق منه من ثقة الأعضاء فيه
واكثر واحد ممكن يفيدك عنه ويعطيك رقمه هو
اخوي الغالي سعيد الحمادي
واذا تبي رقمه ممكن تدخل على تقريره اللي الآن يكتبه وتطلب رقمه
وانا اللي عرفته ان إدارة المنتدى ما تمنع كتابة رقم هالسائق هذا بالذات
ابو محمد
لأن اكثر الأعضاء جربوه وتعاملوا معه

اخوي الذيب الشمالي الله يجزاك الف خير
ممكن ترسل الرقم على الخاص رسالة خاصة الله لا يهينك والله اكن لك من الشاكرين يا الغالي
اخوك الحبيب تحياتي لك

اخوي الحبيب
والله الرقم ما هو عندي ولا اعرفه هذا غير اني انا ما عندي خاص
لكنه موجود ومثل ما قلت لك عند اخوي الحمادي

ساعدوا اخوكم يجزاكم الله الجنة

الله يجزاكم الف خير ةلا ينسى المعروف لأهل الفضل
ومشكور يا اخوي العربي المسلفر4 ولا انسى الأخ الغالي الذيب الشمالي
للمعلمومية هذي المرة الأولى اللي اسافر فيها لسوريا ولا اعرف اي شي عن البلد لكن كلي أمل في الله ثم فيكم
تحياتي لكم وداعياً للجميع

انت بس آمر
حاضرين

al-habeeb-70
أهلين بالحبيب
شوف يالذيب أولا سوريا دوله عربيه يعني عامل قوي ممكن يساعدك وهو العادات والتقاليد والأكل واللغه
ماهنا فرق بس خلك شقردي وذيب حلس
يعني آلتك الحاسبه بمخباتك والريال 12.2 ليره واي سعر يجيك شيل نصه سواء سكن او أكل او ملابس او اي شي
والورعان خلوهم بيديكم لا تتركونهم لحظه ومااقول الكلام هذا لانه مافيه امان لا بس عشان انتوا بغربه وسفر
لاتوضح لأي مقدم خدمه من فنادق او اي بائع او مطعم انك اعجبت بالسلعه المقدمه بل خل ملامحك جدا طبيعيه
حتى ولو أعجبك هالشي وترى ماحولك احد بالنسبه للبضاعه كجوده
عندك الأكل والمطاعم يدبلون السعر دائما أسئل عن قيمة ماتطلبه ولاتستحي اطلب المينيو
المواصلات استخدم التكاسي داخل المدينه ولاتثق بالسائقين ولاتأخذ وتعطي معهم كثير الا المعروفين
يوجد سيارات للاجار اليومي زي عندنا بس مشكلتك ماتدل الطريق وقوانينهم المروريه صارت أكثر حزما
بخصوص البرنامج سير على التقارير زي ماقال ذيبنا الشمالي وبتلقى اللي يسرك
يعني بالنسبه لي أشوف دمشق ماتستاهل يومين بالكثير فيها بعدها يومين بالزبداني وبلودان ويمين بمشتى حلو
ويمين بصلنفه ويومين بكسب واذا جيت كسب روح ام الطيور وغابات الفرنلق ورأس البسيط ووادي قنديل
ومشقيتا وسد بلوران
مر على التقارير واي استفسار أسدحه هنا وبتلاقي جوابه صار بحضنك
وبالخدمه حبيب