السلام عليكم ..
هذي اول مشاركه لي في هذا المنتدى المميز بادراته وباعضائة وبخدماته الرائعة التي يقدمها على طبق
من ذهب لكل من هو بحاجة .
اخواني ..
قررت انا وعائلتي الصغيرة جعل وجهتنا في صيف هذا العام الى اوروبا والى النمسا بالتحديد
وهذي اول مره اطلع اوروربا ولغتي الانقليزية على قدي
فحبيت استشيركم في الموضوع
افضل الشركات السياحية اللي ممكن تخدمني وافضل الاسعار بالنسبة للتذاكر والسكن
المدن والمناطق اللي تستاهل الزيارة ؟
الفيزة وكم تستغرق وقت وكم تكلفتها؟
افضل الاوقات للسفر شهر 7 او 8 هجري؟
ويعطيكم ربي الف عافية

ابو ملوكي
اللغة مو ضرورية اذا معك 40%انجليزي تمشي امورك
وبالنسبة للحجوزات الطيران انت متأخر كثير ارخص شي الخطوط السعودية 1500تقريبا الشخص ذهاب وعودة بس مافيه امل تحصل عليها
انا بالنسبة لي من شهر ادور واستقريت على التركية حصلتها ارخص شي التذكرة 3000للشخص طبعا ذهاب اياب
وبالنسبة للفيزا تروح للسفارة النمساوية وبتكلفك الرسوم حول 300 بس حوسة واذا بتكلف مكتب يطلعها لك تكلفك الفيزا 700مع الرسوم والتأمين وتطلع بعد اسبوعين وبس ابي دعائك
وعلى فكرة نسيت اقولك فيه مكاتب عندهم عروض بس بصراحة ماجربتها بس دقيت عليهم الشخص ب 6000شامل الطيران والاقامة بفنادق خمس نجوم وايضا الجولات السياحية اكثر من مكتب اعجبني عرضهم لكن بعد فوات الاوان بس لازم تتلزم بالمناطق اللي يبون مع قروبات

حياك الله ابو ملوكي ..
بالنسبة للشركات للاسف لايسمح بذكر اسماء معينه .. ولكن يمكنك قراءة التقارير وستجد ضالتك ..
وانا انصحك بترتيب رحلتك بنفسك وقراءت الاستفسارات والفنادق وبتلقى اللي يعجبك .. واذا معك كردت كارد انصحك تحجز من النت اقل اسعار واكثر خيارات ..
بالنسبة للمدن المشهورة منها فيينا - سالزبورق - زيلامسي .. واغلب الاعضاء وانا منهم يجعلون ميونخ الالمانية اخر محطة للعودة منها للوطن وذلك لقربها من سالزبورق او زيلامسي ( ساعه فقط ) وذلك لتجنب العودة الى فيينا مرة اخرى التي تبعد عنهما 4 ساعات تقريبا بالقطار ..
الفيزا تستغرق 3 اسابيع وبسعر 500 الى 800 ريال .. حسب المكتب اللي بطلعها لك .. واذا بتروح بنفسك راح تكلفك فقط رسومها من السفارة تقريبا 300 ريال .. ولكن متعبه وطلباتهم كثيرة .. يعني من المكتب السياحي اريح لك ..
وبالنسبة للشهرين اللي ذكرتهم يوافقان تقريبا شهر جولاي واوقست .. والاثنين مايفرقون من حيث الحر والزحمه .. ولكن ميزتهما انهما موسم التخفيضات ..
بالتوفيق ،،

فيزتي طلعت باسبوع ( :
وترا الامور بسيطة
بس الصيف قرب والناس زحمة فراح تطول شوي