وينكم يااهل الرياض
ابي فزعتكم الله يوفقكم

عطر+دهن عود = مركز نجود
العقال= تفصيل المعيقليه
الاحذيه= ألدو
=============

تسلمين شموخ بس وين مكان الدو بالضبط
ومكان نجود

نجود= بعد ماتوقفك اشارة وزارة الداخليه رح يمين بعد فندق الانتر تجيك اشاره المركز رح يمين ومن ثم تشوف
المركز هادئ جدا على يدك اليسار
ألدو = له فروع عديده حسب اقرب موقع لك مثل صحارى,حياة مول , غرناطه , سلام مول,الخ..

دهن العود المميز والعود عند سعد باشماخ في العقارية 2 بجانب البنك العربي الوطني

باسم القاسم له فرع في غرناطه عن عطور مميزة جدا
وفي فرع له بعد التميمي في طريق الملك فهد
وكمان وجوه وباريس غاليري
هارفي نيكلز في الفيصليه

أرقى العطور الرجالية 2010
العطر الأول
عطر لاكوست جالينج
العطر الثاني
عطر دولتشي أند جابانا
العطر الثالث
عطر سي إتش من كارولينا هيريرا
العطر الرابع
عطر فيرزاتشي
العطر الخامس
عطر جيفنشي بلاي
العطر السادس
عطورات توم فورد عطر أكستريم
بلاك أوركيد
ذا قولدين
العطر السابع
عطر ديور أووم سبورت
العطر الثامن
دافيدوف أدفينتشر
العطر التاسع
عطر كريد الأسود
الأبيض
العطر العاشر
أيجنير
العطر الحادي عشر
عطر كانالي
العطر الثاني عشر
عطر سولو من لووي
العطر الثالث عشر
عطر سانت آيف لوران
العطر الرابع عشر
عطر دور أووم
العطر الخامس عشر
عطر ون مليون من باكو رابانا
العطر السادس عشر
عطر بوس
العطر السابع عشر
عطر قوتشي بي قوتشي
العطر الثامن عشر
عطر جورجيو أرماني كود
العطر التاسع عشر
عطر بولغاري أكوا
العطر العشرون
عطر جيرلان أووم
العطر الواحد والعشرون
عطر كارتير روديستر
العطر الثاني والعشرون
عطر لانكوم
العطر الثالث والعشرون
عطر بولو
العطر الرابع والعشرون
عطر دافيدوف سيلفر شادو
بالنسبه لدهن العود عندك:
&& سوق المعيقليه فيه محلات كثيره تبيع دهن العود والمخلطات ويعتبر سوق متخصص في هذا المجال
&& عندك العربيه_الماجد_ عبدالصمد القرشي وهي منتشره في اكثر المولاات
بالنسبه للعود الازرق عندك:
شارع الثميري وفيه محلات قديمه متخصصه بالعود الازرق واغلبهم شيبان
بالنسبه للعقال والاحذيه عندك:
شارع الثميري فيه محلات متخصصه ببيع وتفصيل العقل وعليك بعقال مرعز ولاتشاور
وكذلك الاحذيه فيه محلات بنفس الشارع واحب اضيف ان الشارع فيه جميع مايخص اجتياجات الرجل من محلات ملابس ومحلات عقل ومحلات خواتم ومسابح ومحلات ملابس سبورت والشارع التسوق فيه بحد ذاته متعه لو ماتشتري شي
المعيقليه ****
موقعها بجنب امارة الرياض
شارع الثميري ****
موقعه بالبطحاء وانت متجه مع طريق الملك فهد جاي من الشمال بأتجاه الجنوب تجيك اسواق مكه على يدك اليمين وانت واقف عند الاشاره اسواق مكه قدامك يمين رح يسار ثاني اوثلاث اشاره رح يسار هذا هو شارع الثميري
اسف على الاطاله واتمنى اني افدتك اخوي ابونواف

إذا تبي عطر يبقى معك وريحته تدوخ عطر اسمه شامبين لكنه انقطع فترة ورجع باسم ثاني (ايفرس) جربه وشوف ، وعندك جنتل مان من جيفنشي هذولي ريحة مو مكررة وثبات ، واذا بغيت فواح ممكن تشوف عطر سفاري وعطر اكسيريوس .
دهن العود المميز راح تلقاه عند محلات الدخيل رح عندهم وقل له الفاخر وشم ريحته واطلع راح ترجع له .. واذا بغيت دهن عود بخاخ راح تلقاه عند محلات الرصاصي ممتاز جدا مو كأنه بخاخ .
العقال أنا أشوف انك تروح لسوق الزل بجنب شارع الثميري وتفصله على مقاسك ويكون صوف مميز بيجيك كشخة من جد .
وعلى فكرة راح تلقا عندهم العود الازرق الطيب .
بالنسبة للأحذية أنا تعجبني محلات زارا وألدو ومحلات القرعاوي .
ملبوس العافية ومساءك عطر

لافندر وغيابك طعني وماجد ماقصرتوا الله يعطيكم العافيه يارب
لافندر وين احصل سعد باشماخ وهل العود ودهن العود عنده مميزه جدا
غيابك طعني عطوراتك كثيره ويعني الاول هو الافضل
ماجد وين محلات الدخيل بالضبط وزارا والدوا وين احصلها وهل الاندلس وعليا مول فيها هالمحلات
لاني من خارج الرياض وابي شي مميز جدا ومااندم عليه تكفون