بسم الله الرحمن الرحيم
الله اكبر لا طراء طاري الشام = أطرب على تذكار وقت مضالي
وقت مع أحباب عزيزين وحشام = فيها كدار الوقت والله صفالي
كني من الفرقى غريب لي أعوام = وانا من الفرقى ياشين حالي
ذكرى سوالف كنها طيف واحلام = ما كنها الا من رسوم الخيالي
فيها لقيت الوقت يمشي علي اقدام = يا سرع فوتت طيبات الليالي
هذا جوازي فيه أختام بانواع الأختام= ختم عليه اختام مابه مجالي
من حبها صرت اسبق الوقت قدام = واقول ليت الشام ديرة خوالي
لاموني اخواني وخالي والاعمام = كلن وقف ضدي حتى عيالي
وانا على الموقف صبور وعزام = ماهمني كثر الحكي والخبالي
لقيت منهم موقف صعب وخصام = و قالوا ولدنا فيه سحر الهبالي
يبوني أصيف بجده ورفحا ودمام = واترك بلاد فوق وصف الخيالي
دار بها خوخ ومشمش وشمام = وأنهار تنبع من رفيع الجبالي
إذا العرب ترحل فانا راحل الشام = أطيب سفر يوم أتوجه شمالي
من فوق فورد كنه حصان بخطام = أمشي بكنف ربي عزيز الجلالي
والختم صلى الله عدد صايم صام = على رسول الله سيد الغوالي
أخوكم / الشيخ مسكين