للأسف ألي نقلك الكلام هو ألي مايحب الكويت بالعكس أهل السعوديه أهلنا وأخوانا وحبايبنا وكفايه أن نص الكويتيين تقريبا عاشوا في السعوديه طيله 7 شهور أثناء الغزو العراقي الغاشم وماشفنا منهم أل كل خير ومحبه وتعاطف ووقفوا معانا وقفه لم نكن نتوقعها أبدا وماأنسي الشباب السعودي الملتزم لما كانوا واقفين في خارج المراكز الحدوديه في شهر7 في عز الحر وهم يوزعون الماء وحليب الاطفال والأغذيه للعائلات الكويتيه الخارجه من الكويت وحنا والشعب السعودي والخليجي شعب واحد والله لايفرقنا
وحياكم الله في بلدكم والعين لكم أوسع من الدار

الكويت والسعودية والخليج كلهم أهل

بالعكس اختي .. اهل الكويت و اهل السعوديه واحد .. احنا قبل لا نكون جيران احنا اهل ... اغلبنا لنا اهل في السعوديه
و السعوديه و اهلها في قلوبنا .. و كل اهل الخليج والله حبايبنا
اقري في التقارير و حتى في استفسارات بوابة الكويت .. و بتشوفين اشكثر من اهل السعوديه ينورون بلدهم الثاني الكويت و الحمدلله مرتاحين فيها و اغلبهم يكررون الزياره و اللي يردهم مشاعر اهل الكويت تجاهم ..
ما عليج من هالكلام و لا تحاتين تنورين و ما بتشوفين الا كل خير ان شاء الله

أهل الكويت ماعندهم مشكله مع جميع الجنسيات
لا تسمعين كلام البعض اللي يحب يثير الفتن بينا
يمكن البعض تعرض لموقف بايخ لكن هذا ما يحكم على شعب كامل !!
يعني انا وحده تعرضت لمضايقات من البعض في السعوديه هل هذا يخليني اقول ان السعوديين ما يحبون الكويت؟؟ لا طبعا
كل شعب فيه الردي وفيه الطيب
واتمنى الله يكتب لج زيارة لنا قريبا وتنبسطين فيها "ولاتصدقين ان حياتنا مثل حياة المسلسلات الكويتيه لأنها ترى ما تمثلنا أبداً واحنا ناس محافظه "

اول مره اسمع ان الكويتيين ما يحبون اخوانهم السعوديين مع العلم ان اقرب ناس للكويتيين هم السعوديين