ممكن تاخذين اللي تبينه ...
بس تكون بالحقائب المشحونه .. أقصد ما تكون بالحقائب اللي بتاخذينها معاك داخل الطياره ..
ممكن تاخذين معاك داخل الطياره طعام محدود اللي تحتاجينه أنتي وعيالك في الرحله ..
بس ما أوصيك .. أعرفي أسماء الاطعمه اللي بتاخذنها بالانجليزي ..
لان راح تجيك إستمارة تعبينها بأنواع الاطعمه الموجوده في حقائب الشحن ..
على شان خبير التغذيه يشيك عليها ..
والله ولي التوفيق ...

يعطيك الف عافية اخوى على الرد اللة يريح بالك

حبيبتي انا لما سافرت اخذت جنطه كبيره للاكل وترستها لعيالي من اجبان وشوربه ومعكرونه وبسكوت وحليب بودر ومعلبات وغيرها موعلشان امريكا ما فيها بس لان الاسعار غاليه والله ولا اسألوني الا عن اللي معاي بالجنطه اللي بالطياره وهذا كان في 2006
توكلي علي الله وسفره موفقه بإذن الله

أنا أخذت معاي بالجنطة الي في الشحن بسكويت فارليز و سيريلك .... على فكرة ما في منه في جمعيات أمريكا و ولدي ما يحب غيره !! .... و أخذت أكياس النودلز الصغار .... و محد سألني عنهم و لا عبيت أي إستمارة .... بس طبعاً بكميات بسيطة يعني فاربيز كرتونين بس و سيريلك علبيتن بس !

ماقصرتو الله لايحرمنى منكم ومن هذا المنتدى الاكثر من رائع ...
انشاللة سهالة وارد واقولكم عن رحلتي

ما يمانعون على دخول الاكل بس لازم يكون مكتوب عليه تاريخ الصلاحيه(مهم التاريخ ) ولازم تعرفين كل انواع الاكل الي في الشنطه ...

انا نزلت في مطار دي سي وجلست عندهم حوالي 6 ساعات بسبب الاكل اللي معي واخر شي سألوني وش اللي معك وقلت لهم تمر المهم لطعوني كل هالوقت واخر شي قالولي حدد الشنطة اللي فيها التمر وفتحوها وسكروها على طول وقالولي تفضل. في ناس معي في الطيارة كان معهم اكل وفي الفورم كاتبين ان مامعهم شي والله ولاخذوا في المطار الا 15 دقيقه وطلعوا على طول ولااحد فتشهم ولا شي. فالمشكلة على حسب تحديدك انتي في الفورم بيكون جلوسك في المطار.
تقبلوا مروري اخوكم برهوم

اخذي معاج اي شي تبينه
خصوصا الاجبان اللي عندنا بالكويت ما في منها هناك وحليب الكرنيشن هذا مثل الذهب هناك يعني اخذي على كيفج
بس بشرط
اولا يتم تغليف الاكل بطريقه جيده
يجب ان يكون هناك تاريخ صلاحيه وانتهاء الصلاحيه في كل منتج
يجب عليكم واشدد عليكم يجب عليكم ذكر الاكل في الابليكشن اللي في الطياره
يعني قولوا معانا اكل وذكرو نوع الاكل
وانصحكم بان تحطون الاكل في جنطه واحده فقط ولا تفرقونهم عن بعض علشان لازم يشوفون الاكل غصب طيب
تروحون وترجعون بالسلامه

طيب كيف الوضع لو ارسل شنطه كامله فيها مواد غذائية عن طريق شركات الشحن السريعه مثل الفيديكس والدي اتش ال !!
هل راح تدخل امريكا وتوصل للعنوان ولا ؟
في احد جرب مثل هالطريقة ؟
وكم تدفع لهم اذا هي من الشناط حجم كبير ؟