تدرون احلى ما في الكويت انتو يالكويتيين
اسم الكويت لها ذكرى جديمه من يوم ما كنت صغير اكثر شي اسمعه عن الدول هي الكويت
تدرون ليش
الكويت خيرها على الامارات قبل ظهور البترول وقبل قيام الاتحاد محد يقدر ينساه ابد من شعب وحكومة
بنت المدارس ومنها مدرسة الاحمدي
وبنت المستشفيات في اكثر من امارة وهو مستشفى الكويتي وكانت توزع الكتب على المدارس
وكانت تعطي المنح الدراسية لتعليم العالي، لانها كانت متطورة اكثر من الدول الخليج وفيها الخير اكثر
الكويت عزيزة على الاماراتيين .
ومن كثر ما كنت اسمع عن الكويت قررت اني ازورها واشوف الكويت.
وصلت الكويت بسيارتي وأول ما خلصت من الجراءات حدود النويصيب كلمة يت على لساني قلت ونعم
والله بالكويت والقبايل الي فيها، وكملت وانا على الطريج وقفت عند اشارة لقيت واحد مطول على الاغاني
وكان يسمع ميحد حمد (احب البر والمزيون ) وقلت ياسلام المهم اني ريحت في الفندق وبعدين سرت
المجمعات ، وشارع الخليج ،ولفيت اشويه وضيعت اشويه بس الشباب ما قصروا .
وقررت اني ارجع الامارات وانا والله مشتاق اني ازور الكويت مره ثاني وثالثة .
واسمحولي لان موضوعي كان مختصر ولا الكويت يبالها اكثر من موضوع.