بسم الله الرحمن الرحيم00
السلام عليكم ورحمة الله وبركااته00
حياكم الله
قبل عشرين يوم تقريبآ كنت والعائله في زياره لأول مره لدوله الكويت الشقيقه 00
أحببت أن أشيد بدايه بجهودكم هنا في بوابه الكويت حيث أنني تعرفت على الدوله قبل زيارتها
من خلال تقاريركم وإجاباتكم الشافيه لتساؤلات الأعضاء 00
ودونت برنامج رحلتي من خلال اقتراحاتكم والحمدلله كانت الرحله رائعه
فبارك الله جهودكم وشكر لكم 00
واسمحولي ان أضيف لبوابتكم تقرير مبسط لرحلتي متضمنآ صوري الخاصه للرحلهبسم الله00
السفر كان عن طريق البر من مدينتي الرياض00اتجهنا للمجمعه (حوالي 200 كيلو ) ثم اكملنا
المسير لحفر الباطن 00والحمدلله كان طول الطريق مسارين 00 ثم بعدها جانا مسار واحد
لمده ساعه أو أكثر بقليل
بعدها وصلنا لمنفذ الرقعي00 وكانت الإجراءات سهله جدآآآ وسريعه والحمدلله 00
المنفذ اسمه الرقعي ومن جهة الكويت اسمه السالمي 00
دخلنا الكويت وكنت لأني أول مره أزور الدوله ومتحمسه لرؤيتها
مشينا تقريبآ ساعه أو أكثر الى ان جاءت لوحه مرحبآ بكم في الجهراء
أول مالفت نظري بالدوله هو اعلانات الأعراس كل شوي شايفين لوحه ونقرأ واتاريها دعوه لزواج
ماشاء الله تبارك الله الله يهنيهم ويبارك عليهم ويجمع بينهم بخير 00
كملنا السير الى ان دخلنا مدينه الكويت وكنت وقتها الدنيا مو شايلتني من الفرحه
أخيرآآآآآ زرناك ياكويت كان وقت وصولنا تقريبآ الساعه تسع ليلآ بعد مسير 8 ساعات
تقريبآ تخللها توقف للصلاه واستراحه للأكل وللأطفال 00
جاء الآن دور البحث عن سكن 00 لأننا ماحجزنا قبل
كنت جايبه معي ارقام مسجلتها من هنا عن فنادق ومنتجعات وكلمناهم لكن بعضها مارد
والبعض قال لنا مافيه شاغر الا بعد يومين 00
قلت لزوجي نشوف أي سكن حتى نرتاح اليوم ,,وبكره نشوف لنا منتجع مرتب نكمل فيه ايامنا00
توكلنا على الله ومشينا وشفنا بخط سيرنا شقق اسمها المارينا 00وقف زوجي يسأل ويشوف
رجع قالي الشقق حالتها وسط تبين نشوف غيرها قلت لا احنا تعبانين خل ناخذها وبكره يحلها ربك
سبحان الله بعد مااخذناها ريحنا وصلينا ونزلنا بنطلع نتعشى لأن خلاص تعبانين وجوعانين
بنتعشى وننام 00نزلنا للسياره وجدنا شابين ببدايه سن الشباب شافونا وقالولنا حياكم الله بديرتكم
تبسم لهم زوجي وحياهم (الله يصلحهم ويحفظهم ) ركبنا ومشينا شوي الا وأشوف مطعم فريج صويلح
قلت بس 00هذا بالمنتدى يتكلمون عنه وقف 00وقفنا ونزلنا
وأستقبلتنا وحده آسيويه بلباس شعبي كويتي وندخل ونلاقي المطعم زحمه
لقينا طاوله الحمدلله ماطولنا وطلبنا عشاء سمك ورز والحمدلله العشاء كان حلو وسعره أظن زين
مااتذكر زوجي هو المسؤول
طبعآ بعد تعب طريق السفر وزحمة المطعم كانت أجسادنا بحاجه لنوم عميق
رحنا للفندق ونمنا
(للأسف اليوم الأول يوم الوصول لم أصور نتيجه التعب ولأن وصولي كان ليلآ ولم يتبق لي من ذكرياته
غير منديل لمطعم فريج صويلح احتفظت به ابنتي )
يتبع باقي أيام الرحله