نشر في بريطانيا

الكمبرلاند ووقت استلام الغرفة

مسافرة عبرالزمن

04-06-2022 - 06:01 pm

اخواني انا حجزي في فندق الكمبرلاند ووقت استلام الغرفة حسب موقعهم الساعة 15 يعني ثلاث العصر وانا اوصل الصبح الساعة ثمانية حسب رحلتي ع الخطوط السعودية
طيب كيف الحل هل ممكن يسوون لي تشيك ان بدري ؟
والا احجزها قبل بيوم يعني لما اروح يكون حجزي اساسا من امس ؟؟

التعليقات (9)

موادع1

04-06-2022 - 08:28 pm

حياكم الله
لين تخلصون اجراءات المطار وتوصلون الفندق مش قبل الساعه 10
دخلو الشطن في الفندق وطلعو تمشو في الاكسفورد وتغدو واغلب الفنادق الساعة 12 شيك ان
واي خدمه

أبُو عبدالرحمن

04-06-2022 - 09:29 pm

انا نفس حجزج بالضبط
مثل ما قال موادع نقزرها مشي
لمن تطيرين من السعوديه راح يكون توقيت لندن 6 الفجر
وتقريبا عند وصولج للمطار راح تكون الساعه 12 وعند الفندق 1 الى 2
لا تشيلين هم

المتأملة للأبد

04-06-2022 - 10:30 pm

يمكن تتاخرين بعد
خاصه لو استخدمتي الاندر قراوند للوصول للفندق
سحبوا الشنط شوي شوي
لو الغرفه فاضيه يمكن يدخلونكم بدري بس عادتا مو قبل 12

qatar3333

04-06-2022 - 11:32 pm

السلام عليكم
أختي ممكن يدخلوكم الغرفه لو تدخلون الفندق الساعه 4 الفجر
أنا سكنته 4 مرات وكل مره أوصل لندن الساعه 6 الصبح على البريطانيه
وكنت أوصل الفندق 7 أو 7ونص الصبح وكان يدخلني الغرفه مؤشرط لازم يدخلج الضهر
بس في حالة الفندق فل أهني راح يأخذ النضام المتبع ويدخلج الغرفه الضهر
أما يذا الغرف متوفره راح تدخلينها على طول وافي أي وقت توصلين
وبتوفيق ان شاء الله

مسافرة عبرالزمن

05-06-2022 - 12:33 am

مشكورين جميعا اخواني على سرعة الرد
اخوي قطر 333 طمني ردك الله يطمن قلبك
بغيت اسالك انا للحين مااكدت حجزي بالفندق لان عندي طفل عمره 3 سنوات
ومكتوب في خانة الاطفال ان السنتين مجاني بالغرفة
ولا مكتوب شي عن اللي اكبر بشوي لان ولدي ما ينام على سرير كبير يعني سرير اطفال
فهل ياخذون عليه زيادة ؟؟
انا رسلت لهم على موقعهم استفسار بس محد رد علي

مسافرة عبرالزمن

05-06-2022 - 01:34 am

سؤال ثاني معليش
في موقع البوكينق اذا مكتوبة هالجملة
Prices are per room for 3 nights.
Included in room price: 20 % VAT, .
هل معناها ان السعر شامل الضرئب كلها خلاص ؟؟ والا في ضرائب ثانية مو مذكورة ولازم ندفعهااذا وصلنا ؟؟

القطري

05-06-2022 - 02:35 am

صحيح
شامل كل الضرايب

مسافرة عبرالزمن

05-06-2022 - 03:36 am

thanks to all
ما رديتوا على هالمقطع
مسافرة عبرالزمن

القطري

05-06-2022 - 04:37 am

السلام عليكم
هلا وغلا مسافره
كاتبين اذا فوق سنتين ارسلوا لهم ايميل للتأكيد ..
وترا لوا كلمتوهم راح ايمشون الموضوع عادي ..
واي خدمه احنا في الخدمه

بريطانيا المسافرون العرب

الكمبرلاند ووقت استلام الغرفة