السلام عليكم
اخواني ليه كل العالم تجي عندنا تتعلم الاشياء الغلط !! هل لاننا لا يوجد لدينا شي صح !؟
اليوم رحت القنصليه ( السفاره ) البريطانيه في الخبر وهذي ليست اول مره وانما رحت العام الماضي ايضا و لكن هذي المره فرق .
الدخول العام الماضي في كل الاوقات الموسم هذا من 9 -11 فقط وبقيه الاوقات للمواعيد .
الموسم الماضي استقبال بحفاوه و ابتسامه ومكان مكيف و كراسي و وطاولات للافراد و للعوايل .
الموسم هذا لا شي لا استقبال ولا مكان ولا كراسي و لا مويه ولا شي . حتى ممنوع الدخول الا الشخص الذي عليه الدور او عنده موعد فقط البقيه ينتظرون في السيب في الحر عوايل و افراد اطفال و كبار سن لا رحمه ولا شي . ناس تجي من الساعه 7 وتنتظر الى 9 وممكن يجي الدور و يمكن لا . ممنوع الجلوس ممنوع الدوخول و عليك الانتظار .
بصراحه العام الماضي كنت اقول كل مره اجي هنا عشان تعاملهم . بس الان اصبحنا ننذل و ننهان عشان سلامتهم . الله ي .....
والله اليوم رحمت واحد من الصباح الى بعد الظهر وهو يهف بورقه على ولده الرضيع .
ورحمت الولد المعاق الحاضر مع امه .
ومع ذلك ضلو واقفين الى ان ياتيهم الدور . و انا مشيت ولا جاني الدور .سؤال : انا عندي فيزا ( تاشيره ) منتهيه يعني بصمت العام الماضي و اخذت الفيزا هل السنه هذي لازم ابصم ايضا ولا خلاص مو لازم ؟
هل لازم حضوري او يكفي احد يحضر مكاني ؟ لان التبصيم انتهيت منه الموسم الماضي ؟
سؤال 2: كيف اخذ موعد vip ؟
سؤال : كم تاخذ الفيزا عشان تطلع الايام هذي ؟ لان اقرب موعد هو 16 و رحلتي في 22؟
مشكور.