وبغيت أسالك الله يعطيك العافية شنهي أحلى المولات المسكرة في لندن؟؟؟

بما ان السؤال موجه للاخ القطري بخلي الاجابه له
وانا اعرف اجابت السؤال بس السؤال موجه للقطري
اخوك
عبدالله

وعليكم السلام ورحمة الله وبركاته
هلا وغلا أختي شهد ..
وتسلمين على الإطراء والكلام الطيب وللأمانه ماأستحقه وان شاءالله أتمنى أكون نص الي ذكرتيه على الأقل
والله أيقدرنا على خدمة الكل عشان الكل أيروح وهو مرتاح نفسياً وبدنياً لأن الراحه النفسيه هي أساس كل شي ..
بالنسبه للمولات المسكره وأشهرهم في الوقت الحالي هو المجمع الجديد الي فتح في منطقة شبربوش وأسمه WEST FIELD LONDON وهذا الويب سايت حقه http://uk.westfield.com/london
وعندج بعد مجمع السليفرج ..
وعندج مجمع هارفي نيكولز ..
وعندج هارودز

Abdullah_uk
أنا وأنت واحد
وعمر العين ماتعلى على الحاجب
وأنت الأصل وأحنا الفروع ..
ويكفي خبرتك أنها أكثر منا كلنا
وجهز حالك أحتمال كبير أنجيكم الأسبوع الجاي ( جايين مهمه من جهة العمل )

جزاك الله خير اخوي القطري (والكل والله فيهم الخير والبركة)
واله يعينا ع البرد...

وسؤال صغير ولاعليك أمر
آنا رايحة ان شاءالله مع عيالي وتدري الجو بارد يعني ماتصلح الروحة صوب ألتون تاور ولا بلاك بول نفس الصيف....وصراحة ماأحب بيكديلي وحشرتها
في أماكن ألعاب أو أماكن ترفيهية حلوة لليهال؟؟؟؟..ناويه ان شاالله اوديهم متاحف بس خبرك اليهال لازم ألعاب!!!
شمودينا في الشتا والله مادري!!!!!!!!!!!!!!!!

&شهد&
ههه
بالعكس حلوه في الشتا بس حق الكبار ..
رحتي الكوفنت قاردن من قبل ولا لا
الكوفنت قاردن عجيب الصراحه ولازم اتودينهم
وعندج المتحف المائي بعد راح يعجبهم ..
ومتحف الطبيعه بعد راح يعجبهم
وإذا الصغار أيحبون الألكترونيات فعندج الكركديرو كلها العاب الألكترونيه ..
وعندج مجمع O2 فيه العاب ومطاعم وهالمجمع مافيه سوق بس العاب ومطاعم وسينمات ..
ولاتنسين المجمع الجديد حصلت فيه محلات حق الألعاب
واسألي مثل ماتبين وأحنا تحت أمرج ولا فيها أي أزعاج
أهم شي أن الصغار يستانسون

الله الله الله
أبي العناوين بليز الله يوفقك يارب

متحف الطبيعه والكركديروا في الجدول
بس الباقين والله مادلهم
احنا الحريم همنا السوق ولا في سوالف الالعاب لك علينا