fahd.ar11
14-12-2022 - 10:13 am
عندي رحلة الاسبوع الجاي ان شاء الله .. ونفس مخطط الاخ اللي نزل الموضوع لكن كنت افكر بزيارة ديزني لاند ..وهذا اقتراح لاحد الاعضاء
اليوم الاول ( لازم تبدى اليوم من بين 9-10)
ايفيل /الشانز / قوس النصر / ساحة الكونكورد و المسله المصريه/ حديقة التويلرزي / جسر العشاق / اللوفر( اذا سمح الوقت )
اليوم الثاني
لوكسمبورغ / مونمارت / الحي اللاتيني ( وقت الغدا فيه مطاعم حلال كثير) / ايفل / جوله نهريه في المساء
اليوم الثالث
الاوبرا / متحف الشمع / جاليري لافاييت / ايفل للوداع
لكن كنت افكر بزيارة دزني لاند .. السوال هو اي الأيام من الجدول السابق اكنسله واروح لديزني لاند ؟
وهل ديزني لاند تستاهل الزياره وممتعه او لا ؟ علما اني مسافر لحالي مو عائله !!
كما اني راح انزل وارجع لمطار شارديقول والفندق في لاديفانس وارغب اني اعتمد على القطار بتنقلاتي لمدة 3 ايام ايش نوع البطاقه اللي اشتريها وكم قيمتها وكيف طريقة شرائها ؟؟؟
وهل المترو افضل للتنقل بينها او الباص الاحمر وهل البطاقه استفيد منها للمترو والباص او لا ؟
ممكن تاخذ الباص الاحمر من اول ساعه له لاخر ساعه باليوم والاول
راح يوديك لكل الاماكن المذكوره باليوم الاول والثالث
كذا بيفضى لك يوم تقضيه في دزني
دزني ممتعه للكبار والصغار وتستاهل
للميترو فيه بطاقه باريس فيزت بس الافضل تاخذ تذاكر منفصله
لو افترضنا اخذت اليوم الاول الباص الاحمر خلاص كل تنقلاتك بتكون فيه لاخر اليوم
واليوم الثاني تستخدم تذاكر منفصله
واليوم الثالث تذكرة رير لدزني روحه ورجعه
وعن سؤالك عن البطاقه تشمل الباص الاحمر او لا
ما تشمل لانه باص سياحي له شركته بس البطاقه وحتى التذكره العاديه تشمل الباصات حقت المواصلات العامه