حبيبتي انا كنت في انترلاكن من اسبوع وطلعت منها على باريس والرحله اللي انصحج فيها من باريس الى بازل محطة التغيير ثم انترلاكن وتككون بالقطار السريع الفرنسي Tgv تاخذ الرحله خمس ساعات ونصف وهي احسن رحله واذا تقدرين تحجزين من النت او قبل ما تسافرين احسن وارخص لاني يوم رحت انترلاكن وبغيت احجز منها هالرحله من محطة القطار انصدمت ان كل الرحلات فلمع اني رحت للمحطه قبلها باربع ايام واضطريت اني اخذ رحله ثانيه وهي الوحيده اللي لقيت عليها حجز وكانت رحله طويله ومتعبه ثمان ساعات ونص وفيها تغيير في محطه المانيه يعني لما دخلنا الحدود الالمانيه جيكوا على جوازاتنا غير انها كانت غاليه وايد التذكره بميه وسبعين يورو يعني الصراحه صادتنا نكبه في هالرحله علشان جذيه انصحج انج تسوين كل حجوزاتج من قبل ما تسافرين احسن واضمن

سويتي حبيبتي مشكورة على التوضيح جزاك الله خير
ممكن تكتبي لي كيف احجز وإسم الموقع