في محل في سوق واقف ما اذكر اسمه لكنه مقابل بتلكو عنده اشياء رهيبه وحلوه للقرقيعان من ملابس اطفال وأكياس للقرقيعان وحلويات مغلفه للأطفال وهدايا حلوه وايد روحي له وان شاء الله بتلاقين اشياء تعجبك .

هلا بج أختي ...
انتي تدورين ملابس صح ...
قي سوق المحرق .. محلات كثيرة .. في الأغلب محلات خياطة نسائية ومحلات رجالية ... بتشوفينهم على الجنبين ..
عندهم تشكيلات حلوة ومنوعة .. وأسعارهم حلوة ومعقولة .. وشغلهم مرتب ...
أما الحلويات .... 95% من محلات الحلويات في البحرين تعمل حلويات للقرقيعان (نسميه في البحرين قرقاعون ) ومنتشره في كل البحرين ..
شوقتينا لرمضان وبركته ... الله يبلغنا وياكم خير ان شاء الله... ويبلغنا صيامه وقيامه .. ويتقبل منا ومنكم ..

مشاغل سوق المحرق كلها لديها جاهز أو توصيه
بس اذا بغيتي شغل عدل و ما يهمك السعر في محل في مجمع يتيم اسمه صالح الزري ، يخيط جلابيات للبنات و أيضاً للأولاد وشغله نظيف
المحل اللي في سوق واقف اسمه " الحرز" عنده شغلات غريبه

أم ضحى ،الغالية ،الدانه ....مشكورات خواتي على سرعة التفاعل ما قصرتو ...لكن حابه أسئل سوق واقف ومجمع يتيم وين مكانهم بالضبط؟؟ وهل يفتحو يوم الجمعه أو يسكرو؟؟؟
وأيش الأحلى التفصيل أو الجاهز ؟؟؟

askbaik
حياج الله اختي العزيزة
سوق واقف موقعه عند مدينة حمد ، ومجمع يتيم وسط سوق المنامة ، قريب جدا من باب البحرين.
انا في رأيي التفصيل احسن ، لأنك تختارين نوع القماش اللي تبينه ، بينما الجاهز ممكن يحطون لك قماش اي كلام . ما عدا صالح الزري يستعمل اقمشة جيدة.
بالنسبة عن سوق المحرق بعض المحلات تفتح الجمعة العصر ، أما عن صالح الزري فليس لدي اي فكرة.
تحياتي

مشكوره إختي على الرد ما قصرتي ....عذرا على كثرة الأسئله ...بالنسبه لسوق واقف ما فهمت يعني وين بالضبط في مدينة حمد؟......وبالنسبه للأقمشه وين أحسن مكان يبيعاها ؟وأي المشاغل أفضل للتفصيل؟؟؟ وهل المشاغل تقترح الديزاين بعد؟؟

askbaik
شوقتينا لرمضان وبركته ... الله يبلغنا وياكم خير ان شاء الله... ويبلغنا صيامه وقيامه .. ويتقبل منا ومنكم ..
أحسن مكان أختي صالح الزري لأنك ما راح تندمين على السعر اللي أشتريتي فيه القماش من أحسن و أجود الأنواع ممكن أنتي تختارين الدزاين بس اذا حابه مصممين يفضل أنك تروحين حق محلات الخياطه اما القماش فالمحلات منتشرة في جميع أسواق البحرين
أما سوق واقف أذا كنت جايه من السعوديه عم طريق الجسر بعد ما تظهرين من الجسر راح تآخذين أول لفه تجيج يمين و تطلعين على طول طبعا الأشارات كثيرة توضح الطريق الى مدينة حمد اول ما توصلين راح تشوفين سوق واقف كبير فيه جميع أنواع البضائع و المحلات .

lio45
تصليح/ قرقاعون!
وهذ اختلاف لهجات!