الله يعينكم على ذا الفيزا
ويسهلها عليكم وعلينا
انا بانتظار الاخوان مثلك

في نقطة مهمه ابغى اتأكد منها
كلمت السفارة الاسبوع الماضي وسألتهم على نقطة الحساب وكم المبلغ المطلوب فيه
قالي لازم 30 ألف...قلت له انا وزوجتي لازم كل واحد لوحده 30؟
قال كل ما زدت المبلغ كان افضل
فياليت اللي جربوا وطلعوا فيز يعطونا تجاربهم
وبالتوفيق

السلام عليكم
انا طلعت الفيزا من اسبوعين تقريبا
وكانت المدة لاستخراجها 13 يوم بالضبط من تقديم الاوراق
وكان في حسابي 26 الف ريال ولا رفضوا الاوراق
بالنسبة للاوراق اللازمة
كشف حساب بالراتب لاخر ستة شهور
ورقة تعريف للموظف الحكومي ... او ورقة مصدقة من الغرفة التجارية للموظف القطاع الخاص
و اوراق تثبت حجزك للفنادق
وتذاكر الطيران
وصور شمسية بدون شماغ للرجال .. و بالحجاب اللمراة
تأمين السفر - هذا من التعاونية للتأمين -
هذا كل اللي اذكره حاليا
واستخرجتها عن طريق مكتب فيفا للسفريات وهذا موجود في الشرقية بالدمام والجبيل والاحساء
الشخص ب 530 ريال
واي استفسار انا حاظر
وعلى سالفة المبلغ الموجود في الحساب ... انا كلمت السفارة بنفسي و رد عليي الموظف اذا انتوا اثنين اهم شي يكون في حسابك اكثر من 20 الف ريال
تحياتي

يوفنتساوي
يعطيك العافية اخوي

يوفنتساوي
يعطيك الف عافيه ماقصرت..

جزاك الله خير
بسألك عن حجزك للفنادق هل كان عن طريق النت؟؟
وهل لو كان بالنت هل اعطيتهم الفاوتشرات ؟؟
لاني انا حجزت 5 فنادق بالنت من موقع بوكنج
3 في النمسا وواحد بالمانيا وواحد بباريس
اللي بالمانيا وباريس حجزوا على المبلغ وتاكدت انهم قبلوا الحجز
لكن اللي بالنمسا لا حجزوا على مبلغ ولا جزء منه
طيب كيف اعرف انهم قبلوا الحجز ؟؟
اخاف اودي اوراقي السفارة وتكون فنادق النمسا ما قبلت الحجز
ياريت تفيدوني كيف اتاكد ان فنادق النمسا قبلت الحجز

السلام عليكم
ابي اسال اللي طلعوا الفيزا قريب
انا ان شالله طريق رحلتي النمسا والمانيا ...
هل خذوا فيزا من السفاره النمساويه وخذوا من الالمانيه ... ؟؟
لاني سالت متب سفريات وقال تاخذ الفيزا من الدوله اللي تروح لها والسفاره الالمانيه يحددون معك موعد مقابله
هل هذا صحيح؟؟؟

السلام عليكم ..بخصوص الفيزا راح زوجي للسفاره يوم الاربعاء والحمدلله مشت الامور تمام مع انه فيه فندق ماجبنا له فاكس لكن الموظفه تغاضت عن هالشي ..واعطته موعد يجي يستلم الفيزا ..وكانت اوراقنا كامله من مجاميعه الحمدلله ومرتبه ...وعقبال عند البقيه يارب ..اي استفسار انا حاضره..

الأربعاء كنت بالسفارة النمساوية بالنسبة لقبول الفنادق يجب ان يكون مرسل بالفاكس من نفس الفندق يعني موجود بطرف الفاكس من اعلى او اسفل عنوان رقم فاكس الفندق وتاريخ ارسالهم للفاكس ومايقبلون اللي عن طريق النت او عن طريق وكالة سياحية لذلك يجب مراسلة الفنادق او الاتصال عليهم وان يطلب منهم ارسال القبول على الفاكس
بالنسبة للمبلغ أخذوا 560 للشخصين يعني 280 للشخص الواحد
بالنسبة لكشف الحساب كان فيه 25 الف وكان بالعربي وطلبت مني الموظفه ترجمة اخر فقرة فيه وكتبتها بالانجليزي طبعا اللي هو المجموع وتاريخ صدور الكشف وكتبتهم عند شباكها ورجعتها لها والحمدلله اخذوا الأوراق وقالوا بعد 10 ايام نكلمك تجي ان شاء الله تستلم التأشيرة اسأل الله أن يوفقنا واياكم لما يحبه ويرضاه وان يسعدنا بالدنيا والاخره امين