- قالو تاخد تقريبا 10 أيام او أسبوع قالهم سفرتنا قريبة بعد 5 أيام ...
زي الكل كنت أتوقع فيزا الشنقن ومن أي مصدر يمشي الحال
وع الأساس دا راح زوجي كالعادة لمكتب التاشيرات الموحد ف جدة ...
بس المفاجأة
مارضيوا يدخلوا من اصلو
لانهم يسألوك من عند البوابة تحت ...اش الفيزا الي تبغاها فمجرد ماقالهم ابغى فيزا اليونان ...قالو ماعندنا ولازم تجيبها من القنصلية
وصفوله وصف مو واضح وداخ الين لقاهم
العنوان والأرقام حي الاندلس شارع نور الحياة (حسب ماكاتبين في السايت تبعهم ) يعني طريق المدينة النازل خلف مركز ميدكس الطبي بالزبط
Consulate General in Jedda
Address : 26 Nour El Hayat, Plot 187, Al Andalus District, P.O Box 5108, Jeddah 21422 SA
Tel. : (0096612) 6674064, 6674088
Fax : (0096612) 6656228
Emergency Tel: 00966 544880404
E-mail :
Web Site: http://www.mfa.gr/jedda
ساعات العمل: 8.30 صباحاً - 16.30 مساءً
بعد لف لفة وصل لهم
واعطوه الابليكشن + ورقة الطلبات
+
لازم الحضور للبصمة طبعا سأل السكيورتي الي برى عن الزحمة او في ناس كتير بيجو ياخدوا فيزا منهم ؟؟ فأجاب بقوله ( ماعندك أحد )
قالو تاخد تقريبا 10 أيام او أسبوع قالهم سفرتنا قريبة بعد 5 أيام ...
قالو اجل روح جيب الي بيسافروا معاك عشان البصمة > من جد ماعندهم احد ههه اليوم التاني وصلنا عندهم الساعة 10 تقريبا وكنت متاكدة ان مافش غيرنا مسافر والاستنتاج دا اتوصلت له من واقع بحثي في مستر قوقل لشهور ..مالقيت عرب وتحديدا خليجيين رايحين اليونان بدليل مالقيت معلومات تفيدني ابدا ابدا
المهم
لما وصلنا لقينا عائلتين اجنبية و كم بس
وفضلنا نستنى دورنا ...والصراحة موظف الاستقبال (مسلم فلبيني ) كان فرندلي واتعاطف معانا لأننا جايين من مكة وكمان معانا فكان مهتم بينا ودخلنا بعد اقل من ساعة تقريبا
دخلنا عند الموظف ( راجل خمسيني شامي) كمان كان فرندلي ومتعاون وحلو التعامل معاه اخد مننا التالي : - البصمة
- صوره وحده ارفقها مع الابلكيشن - صورة تانية صورنا هو بنفسه - -تعريف العمل - تامين صحي - تذاكر الطيران - حجز الفندق - البسبورات - 300 ريال لكل شخص . - طبعا الأطفال تحت 6 سنوات فري.. واقل من 12 سنة م ياخدو له بصمة ولا صوروا لكن اخدوا صورتين له. كنت حريصة اني اساله سؤالين مهمة :
1- اقدر ادخل اليونان بفيزا شنقن من غير اليونانية ؟؟؟
رد قائلا: ( اغلب السفارات صاروا يدققوا ويشترطوا الفيزا من نفس البلد الي بدك تسافر إلو) > إجابة دبلوماسية
2- هل بيجوكم مسافرين كتير يستخرجوا الفيزا من عندكم ؟؟؟
رد قائلا : ما كتير بس الي بيجو اغلبهم مو سعوديين او بياخدوا الفيزا من عندنا ليروحو ع بلد تانية )
ههه
وبس
استلمناها بعد 4 ايام
رابط القنصلية
http://www.mfa.gr/missionsabroad/en/saudi-arabia-en
رابط الابلكيشن http://www.mfa.gr/missionsabroad/en/saudi-arabia-en/visas/application-form.html
Go 2 Greece
مشكورة مشرفتنا على ذكر تجربتك وبشكل واضح ومفصل..
الظاهر بعد تقريرك هذه فالمرة الجاية بتحصلوا القنصلية مزحومة..
تحياتي وتمنياتي لك بالتوفيق.