السلام عليكم ورحمة الله وبركاته
إخواني قريت استفسارات عن الفيزا الهندية ،، وأنا يوم الأربعاء الماضي قدمت على فيزا سياحية من سفارة الهند بالبحرين والتي تقع خلف فندق رمادا ، وكان المطلوب كالتالي :
1- الجواز مع صورة له على أن لاتقل مدة صلاحية الجواز عن 6 شهور .
2- صورتين شمسية مقاس 4*6 بخلفية بيضاء ومو لازم الصورة تكون مكشوف الرأس .
3- تعبئة نموذج الطلب ويطلبون فيه رقم فاكس وصندوق بريد ، بالنسبة للي ماعنده
فاكس يحط رقم البيت الثابت على انه رقم فاكس او اي رقم ثابت بالسعودية
وبالنسبة لصندوق البريد اذا ماعندك اكتب لهم اي خمس ارقام ويمشي الحال .
4-مبلغ 23 دينار بحريني ( 230 ريال سعودي ) رسوم اصدار التأشيرة ، ولازم المبلغ بالدينار.
تسلم الطلبات في الكونتر ويعطوك وصل بالاستلام مكتوب فيه تاريخ استلام الفيزا وهو عادة اربعة ايام عمل .
ملاحظة : لاتنسى يكون دخولك للبحرين ببطاقة الهوية الوطنية عشان تقدر ترجع للسعودية بواسطتها لان الجواز حيبقى في السفارة لحين انتهاء الفيزا .