السلام عليكم
انا لي 16 يوم وما بعد اطلعت الفيزا حقتي
لا وكنت انا وزميلي جالس يراجع معي ينتظر دورة ويضحك علي يقول انا قبلك لي 21 يوم وتوني ما بعد طلعت الفيزا حقتي ههه وانت جاي تراجع الحين
ومسكين يوم جا دورة عطوه اوراقة مرفوضة قالو ناقصة كذا وكذا وسو كذا و كذا شغلات تضييق الصدر
وانا كذلك قالو لي جب ورقة قبول ثانية غير الي عطيتهم الاولة مع اني مدري وش الي ناقصها وجب صورة شهادتك البكالوريوس الي ما عندة تجيب اخر شهادة لك او لكي ( مسوي ما ينسى العنصر النسائي) طبعا حنا طالبين فيز دراسة ومعنا خطاب من جهه حكومية بعد وما نفع
ومع الاسف اجراءاتهم معقدة ما توقعتها كذا بعكس زملانا الي راحو قبل سنة ونص تقريبا يقولون في ساعة وحد فقط خذنا الفيزا هذا بالنسبة للفيزا الدراسية
اما السياحية ما ادري بعد عن اجراءتهم الجديدة
وعلى العموم انا احس المكتب الوسيط هذا تجاري بحت لا يهمة كاملة اوراقك ولا لا تدقيقهم وقت استلام الاوراق منك سريع وغير دقيق يعني معقولة ما يدري وش المطلوب مني يوم اقدم
يعني دقق اوراقك بنفسك واسئل الي قبلك زين وكثر استفسارات ولا تخلي شي تحس انة ينفع الا ارفقة معها
ترى هم يبون هال 820 بس وهالخمسة الريال حقت الرسايل ولا يردون عليك بعد يعني لا تعتمد على انك دفعت 5 ريال تقول بيردون علي برسالة ابنتظرهم لالالا لا ترا يجيهم جوازك وتراجعهم احيانا تلقاه عندهم راجع من السفارة ولا جابو خبرك وصارت معي ومع كثير من الزملاء
والشي الثاني اذا راجعت موظف وقالك ما بعد جت حاول تفر وتاخذ رقم ثاني معك وتراجع الموظف الي جنبة ترى يمكن تلقاها عندة وهذي بعد صارت مع واحد من زملاي والله العظيم
على العموم بدت دورتي في بريطانيا وانا توني اراجع الفيزا بالرياض ادعولي بالتوفيق انا وزملائي وجميع المسلمين
وشكرا