أم شماا
19-03-2022 - 01:45 am
السلام عليكم ورحمة الله وبركاته
شحاالكم كلن بحاله عساكم بخير
السمووحه منكم بس بغيت مساعدتكم الله لاهانكم وخصوصا خبراء المانيا ، نحن ان شاء الله بنسافر المانيا يوم الاربعاء الياي وبنوصل مطار فرانكفورت الصبح تاريخ 15 وبنستلم سيارتنا وبنويه صوب ميونخ بس المشكله ان لين الحين ماحجزنا سكن فميونخ نبا شقه او سويت نظيف ومكيف مب لازم يكون راقي اللي سايرين انا وريلي وبنتي 6 شهور واخو ريلي 16 سنه
وشي ثااني بعد ابا اعرف الاماكن اللي اقدر اسيرلها فميونخ وفزيلامسي وففرانكفورت او حتى الاماكن القريبه اللي نقدر نطلع لها بالسياره
ساعدوني الله لاهانكم ادري طولت عليكم بس السفره انا اللي اوني مرتبتنها وكل شي فويهي
السموحه ع الاطاله بس والله محتايه العون
أم شماا
اختي حسب كلامك انكم راح تنتقلون مباشره الى مينوخ والتي تبعد 4 ساعات بالسياره ؟؟دامكم ما بعد حجزتوا ابعطيكي اقتراح تبدئين فيه مسار رحلتكم اولا فيه ملاهي جميله وكبيره اسمها يورب بارك يزورها عدد غفير من الاوربين للتسليه والمتعه وتقع بين 3 دول فرنسا المانيا سويسرا وهي داخل الحدود الالمانيه قريبه من قريه اسمها رست rust تقدرين تقرئين عنها في المنتدى وكثير من السياح الخليجين يذهبون اليها من ميونخ ومن زل امسي ومن انترلاكن رغم ان المسافه بعيده بينهم وبينها لذلك اقترحتها لكم فهي تبعد عن فرانكفورت ساعين ونصف لذلك اقترح عليكم السكن في بادن بادن تبعد ساعه عن فرانكفورت وهي في المنتصف بين وفرانكفورت ورست ويكفيكم يومين او ثلاثه تنتقلون بعدها الى زل امسي ولكن يفضل ان تختارون منطقة في الوسط بينهم لان المسافه كبيره حوالي 7 ساعات والمناطق التي بينهم جميله انا اقترح عليكم Seefeldعلى حدود المانيا النمساء وتبعد عن رست 4 ساعات ونصف وعن انسبيرق نصف ساعه وهي قريبه من زل امسي ساعتين ونصف وقريبه من ميونخبعدها تكملون المسيره الى زل امسي وفي الاخير ميونخ وهذا التقرير لاحد الاعضاء تقدرين تستفسدسن منه وهناك تقارير واقتراحات كثيره منها الاتجاه الى انترلاكن والتي تبعد عن روست ساعتين ونصف يعني تسوون نفس برنامج الاخ صاحب التقرير https://artravelers.com/p/re/261146 مع اختلاف بسيط وهو الانطلاق من فرانكفورت واهم شيء كم مدة رحلتكم ومن اين سوف تكون رحلة العوده تحياتي