نشر في سلطنة عمان

الفزعه يااهل مسقط والخبراء

uae123

25-09-2022 - 07:47 am

سلام عليكم
ومباركن عيدكم ويعله يعود عالجميع كل سنه وكل حول
وكل سنه وانتو بخير والله يجعلها سنة خير عالجميع ..امين..
ابا اسألكم عن شاليهات عالبحر في مسقط حلوه ومرتبه ونظيفه وتناسب العوايل واسعارها تكون مناسبه
وياليت اللي يعرف اساميهن او ارقام يعطينا اياهن
وبعد ابا اتخبركم عن برالجصه
كم تبعد عن مسقط ؟؟
وشواحسن فندق فيها ؟؟ وسعره يكون مناسب لاني اتصلت بشانقريلا وقالوليه الغرفه 1900 درهم!!
مادري ليش مغلين هالكثر!؟ مع انيه سامعه ان الغرف فيه رخاص ومايتعدن 700 درهم؟
وياليت اللي عندهم ارقام الفنادق اللي فيها يعطينا اياه
ومشكورين
اختكم
الامارات

التعليقات (3)

أرض الامارات

25-09-2022 - 10:50 am

.. 770 .. .. 950 ... 20 .
.. 1400 ... .

سبارتاك

25-09-2022 - 11:51 am

أهلا وسهلا و مرحبا. وكل عام و أنتوا طيبين وبصحة وسلامه و عساكم من العايدين ان شاء الله.
الأخ أرض الامارات ما قصر . و أعطاكم الاجابة .
حبيت أضيف..
شانجريللا منتجع يتكون من ثلاث فنادق: الحصن و الواحة و البندر
كما أسلف الأخ أرض الامارات فان شيدي مناسب أعتقد لذوق الأخت السائلة أو السوادي
أو الانتركونتيننتال.
بر الجصة في محافظة مسقط، و لكن تريدين المسافة من وين بالضبط؟ اذا كان القرم مكان المهرجان و المجمعات التجارية والمطاعم المناسبة فالمسافة غير أوقات الزحمة 12- 15 دقيقة.
أرقام هواتفهم أو موقعهم الالكتروني بحاول أشوفهم في أقرب فرصة.

دوتكوم

25-09-2022 - 12:52 pm

إختي الكريمه الامارات بس حبيت أضيف فندق وايد حلو،،،، بصراحه يستاهل
كان أول رخيص تو يعني متوسط بس أنا أحس إنه الافضل،،،،
منتجع الاحلام،،، يقع في مدينة السيب،،، على الكورنيش،،، حلو كثير،،،،
وموقع مناسب جداً،،، له إطلاله رائعه على البحر ،،،، شي رومانسي،،، ما يميزه إنه عبارة عن غرف مثل الشاليهات،،، يمكن الوصول إليها دون المرور بمدخل المنتجع ،،، لذلك فهو مناسب للعوائل،،،
سعره حالياً 30 ريال (300 درهم) للغرفه و 40 ريال للستيديو.
رقمهم 0096824453399
مع التمنيات بقضاء أمتع الاوقات

سلطنة عمان المسافرون العرب

الفزعه يااهل مسقط والخبراء