مساء النور اخوي
حي النخيل مليان عماير بنظام الشقق وهو حي قديم شويه والاجار فيه متوسط تقريبا
لكن أنصحك ما تستعجل وتاجير فيه . ممكن تاجر باي حي قريب منه مثل الجلويه او حي الزهور المنطقه الجديده
والله يوفقك ان شاء الله.

م حي النخيل من الاحياء المتوسطه بالدمام لكم موقعه حيوي لانه تقريبا قريب من قلب الدمام طبعا اتوقع انك تلقى بالسعر اللي تبيه لكن شقق قديمه ممكن تزيد السعر ل20الف وتلقى شقه جديده ااحياء القريبه منك الجلويه وغرناطه وقريب من مستشفى المركزي والمنطقه حواليها جميع الخدمات يعني ماراح تتعب بس للامانه انا مااعرفها من داخل زين بس بحكم انه اهل زوجي ساكنين بغرناطه وهي قريبه منها قلت اللي عرفته طبعا اذا تبي حي غرناطه والا الجلويه حلووين بس نصيحه نصحيه ابعد عند حي القادسيه وحي الباديه

هلا اخوي
بالنسبة لحي النخيل هو حي ممتاز اذا سكنت على شارع الملك سعود او شارع الملك خالد من الجهة الثانية
بس مايصلح تسكن بحي النخيل من جهة شارع الخزان.......
يعني بإختصار يحد حي النخيل اربع شوراع من جهاته الاربع وهو شارع الملك سعود (ممتاز) شارع الملك خالد(ممتاز)
شارع المزارع(ممتاز) شارع الخزان(مايصلح لان اغلبه اجانب)........
حي النخيل يعتبر من الاحياء الحيوية ومنه تقدر تنطلق لاي مكان وكل شي حولك قريب.......
بالنسبة للسكن بتلقى ب 17 الف ريال او 18 الف ريال وشقة وسط ماهي القديمة ولاهي الجديدة يعني زينة........
وليش تبي 4 غرف ترى اكثر الناس ياخذون 3 غرف بالمجلس الا اذا كانت عائلتك كبيرة هذا شي ثاني........
يعني مجلس لضيوفك الرجال وغرفة جلوس ( صالون) وغرفة نوم وصالة ودورتين مياة ومطبخ............(احب البيوت الملمومة والرومنسية)
وابتعد عن حي الخليج والعدامه والبادية والقزاز ومخطط 8 وحي الدواسر اللي بجنب السوق.......... وبقية احياء الدمام تشبه بعض وتقدر تسكن بأي مكان براحتك....
وعلى فكرة فيه احياء اكثر من يسكنها اخواننا الشيعة مثل العنود والمحمدية والعزيزية وفي الغالب مايأجرونك ويشترطون على مكتب العقار يكون من مذهبهم......
واذا عندك اي استفسار حنا حاضرين...............

بسم الله الرحمن الرحيم
الاعضاء كلامهم صحيح ....
انصحك تدور في الجلويه او في الزهور... قريبه من المكان الي تبغاه
و في شقق راح تحصلهاا جديده و نظيفه

تسلمو على الردود
اللي فهمته من ردودكم ان النخيل يعتبر في وسط الدمام وقريب من كل شي
بس يعتبر قديم نوعا ما
طيب اش رايكم بحي الحمرا هل هو قريب من النخيل
وكم حدود الايجار فيه

حي الحمراء موقريب من النخيل الحمراء على الكورنيش واجاراته غاليه فرق بينه وبين النخيل اخوي حي غرناطه حلوو واخذلك شقه حولين مصلى العيد هناك المنطقه حلوه وحيويه

كلام اختي فارسه صحيح خلك حول الدعوى اذا تبي الرخص والقرب والنخيل ابعد عنه مايصلح حي قديم

يا اخي خلك على الطبيشي ... حلو ورومانسي ( هذاك زمان ايام الشوام ) طبعا كان سكانه شوام
لكنه حي قريب من النخيل وفيه عمائر جديده ومتوسطه وبتلاقي بحدود القيمه اللي عندك
عندك حي الناصريه برضه قريب من النخيل واسعاره معقوله
ومثل ما تفضلوا الاخوة وذكروا ان بعض الاحياء لا ينفع السكن فيها ... فمثلا انا لو نزلت الى جده بسكن باي مكان ولا ادري وش السالفه وكذلك الدمام ... فيها احياء تمتاز بأن فيها اولاد شياطين بيكسرون سيارتك ولو رحت شكيت لابوه بيقولك بزارين ومن هالخرابيط ... وفيها احياء الله يخارجنا اول ما تسكن تلاقيهم زرافات ووحدانا رايحين جايين عندك يسولفون على حسب فضاوتهم ... وفيه احياء تمتاز بأن سمعتها سيئه جداً ويأتيها من دول مجاوره من ينشر الفساد في الويكند .. وكل هذا ما يعرفه غير اهل الدمام والعيشين فيها

مشكورين على هالردود
واذا فيه نصايح لاتبخلوا علي لان جيتي للدمام قربت