عزيزي هل تقصد الثوب الخليجي الرسمي .. ؟ "الدشداشة"
أم الثياب بمعنى الملابس بشكل عام ؟

حدد نوع الثياب
لان احنا بالكويت نطلق اسم ثياب علي جميع الملبوسات النسائي والرجالي والولادي
اذا كنت تبي رجالي ( دشداشة ) فتوجد بمنطقة شرق خياطين في عمارة العوضي مقابل شارع خالد بن الوليد
وأذكرلة انك مو كويتي علشان يخلصة لك بسرعة او بنفس اليوم وراح تلاقي عندة كل الخام الي انت محتاجة...
والاسعار حسب جودة الخام بس سعر التفصال بين 4 دنانير الي 5
واذا تقصد الملابس النسائية
فهناك الكثير الكثير
انا افضل الابتعاد عن المجمعات الكبيرة لانها غالية و المحلات منتشرة بكل الدول
عشان هالشي
انا افضل مجمع النقرة بحولي,,,,فية كل الملابس النسائية وباسعار معقولة
وعندك الفروانية ....مجمع الدبوس و حمرة مول والكثير من محلات الخام والملابس الجاهزة بشارع الدبوس بالفروانية
وسلامت وتعيش
وانا حاضر للاستفسار

اخوي عندك المجمعات مثل المارينا مول وسوق شرق والافنيوز

شاكر ومقدر لكم مروركم
طلبي/ اقصد الدشداشه للرجال طبعاً بس الدشداشه الصيفيه الملونه { قطنيه }
وياليت العنوان يكون واضح كرماً لا امراً ......
ولكم تحياتي ,,,

عندك في مدينة الكويت عدد من الأماكن...
مثل (البلوكات), شارع خالد بن الوليد...
عدد كبير من محلات الأقمشة.
و كذلك شارع أحمد الجابر عدد كبير من
محلات الأقمشة و الخياطين متجاورة مع بعضها.
ولا تنسى سوق المباركية في مدينة الكويت.

شكر خاص لdhari
على التجاوب السريع
تحياتي,,,