جنب النافذه
ياخوان مافي ولا رد واحد تكفون

جنب النافذه
يعني مافي احد يفيدنا ياخوان

جنب النافذه
سلام, بالنسبه لمشوارك يعني بتطلع من القريات وبتدخل بالأردن حوالي ساعتين (لا تسرع بالأردن لأن مليان رادارات وناطرين الخليجي من الله), وبعدين بتدخل سوريا حوالي ساعة ونص او ساعتين وبتوصل على الحدود اللبنانيه.
طبعا انا عطيتك الأوقات من دون وقت انتظارك عالحدود لأن حسب الزحمه (العجئه باللبناني), وبالنسبه للرسوم عالحدود والله ماعندي فكرة واضحه بس اعتقد انو بين الأردن وسوريا بيطلع عليك بحدود 300 ريال وانشالله الشباب يفيدوك احسن مني.
وسعر ليتر البنزين ال95 يعني متل ال91 بالسعوديه سعرو حوالي 4 ريال وليتر البنزين ال 98 يعني مثل ال 95 بالسعوديه حوالي 4 ريال و 30 هلله. بس يعني اذا عبيت مرة بالنهار السيارة بحدود ال 120 ريال سعودي (سيارة 6 سلندر) بتكفيك مشاوير كل النهار وبيبقى شوي زيادة.
وبالنسبه للأماكن يللي ممكن تروح عليها, فيك تطلع على مغارة جعيتا ومتحف المشاهير( جنب بعض, شمال شرق بيروت) وفيك تطلع على حريصا(شرق جونيه) وعلى قصر موسى وبيت الدين (جنوب شرق بيروت) وفيك تروح على زحله والضنيه.... وبالنسبه للأطفال بتوقع احلى مشواير لهم بيكونو على الحبتور لاند ( http://www.riolento.com/kamikaze.htm)...
هالحكي كلو اذا انتا نازل بالصيف واذا بالشتي في اماكن تانيه, يا ريت لو بتوضح تاريخ نزولك والمدة وانشالله شو فيني ساعدك ما رح قصّر.
وأكيد الشباب رح يساعدوك.

توصل بالسلامة وماقصر الاخ لبنان رح يرجع افادك خصوصا بموضوع الاردن والسرعة دير بالك
وتقدر عزيزي تراجع التقارير اللي وضعت من اجلكم وتفيدكم بأذن الله وبالتوفيق

لبنان رح يرجع
ان شالله انا رايح في الصيف

سلام, بالنسبه للصيف ممكن تسكن ببيروت او جونيه (20 كيلو شمال بيروت), وطبعا فنادق جونيه أرخص شوي من بيروت.
بالنسبه للأماكن شوف المواضيع بالمنتدى وأكيد رح تستفيد وانا من ناحيتي رح اعطيك بعض الأماكن وياريت حددت مدة زيارتك للبنان.
أول يوم ممكن بعد الفطور بالفندق او بمطعم (بنصحك بمطعم زعتر وزيت) تطلع على مغارة جعيتا ومتحف المشاهير وترجع تنزل تتغدى ببيروت عالكورنيش (الروشه, مطعم باي روك مثلا) أو في جونيه على اي مطعم عالبحر (مانويلا مثلا) وبالليل فيك تتمشى وتسهر بوسط بيروت (السوليدير) بأي مقهى.
تاني يوم ممكن تفطر عند وودن بيكري(Wooden Bakery) وتطلع على قصر موسى وبيت الدين بمنطقه اسمها الشوف وتبعد حوالي 45 دقيقه من بيروت اذا في ازدحام, وبما انك بتكون وصلت على الشوف يعني ممكن تتغدى بمطعم بعاليه وفي مطاعم ممتازة فوق وعندها جلسات مطله على الوديان والجبال. وبالليل ممكن تنزل على مول ال ABC أشرفيه وتتمشى وتجلس بأي مقهى.
ثالث يوم, ممكن تروع على البقاع وتحديدا بعلبك وتزور قلعة بعلبك الأثريه (بعلبك تبعد عن بيروت حوالي الساعتين بالسيارة) واكيد بتتغدى بالبقاع (معجنات اللحم ممتازة عندهم, اذا رحت لازم تجربها), وبالليل ممكن تنزل على مول اسمو جيان في بيروت (شمال بيروت).
رابع يوم ممكن تفطر بجونيه بأي مطعم (مليانه مطاعم واكثرها ممتازه) وتطلع بتلفيرك جونيه على مزار حريصا (مش رح ياخذ كل نهارك) ومن بعدها ممكن تتجه لشمال لبنان (أنا من شمال لبنان) وتحديدا الى جبال شمال لبنان في الضنيّه (منطقة سير) وعندك فوق جمال الطبيعه وأطيب المطاعم يعني ممكن تروح لمطعم الفيصل أو الجزار أو أبو النواس أو الفردوس وهالمطام منها على أنهار ومنها على أطراف الجبال يعني اختار يللي بيعجبك(نصيحه: مشوار الشمال لا تروحو يوم اثنين لأن اللحومات بالمطاعم بتكون من فضلات يوم الأحد لأن يوم الأحد أكثر أيام الأسبوع حيويه واقبال على المطاعم في لبنان وتحديدا مطاعم الضنيه, يعني روح الأحد أو اي يوم من الأسبوع غير الاثنين). وانت وراجع من الضنيه ممكن تحول على زغرتا على بحيرة بين الجبال , بحيرة بنشعي وفيها قوارب وبط ووز في البحيرة وأكيد الأطفال رح ينبسطو كتير متل كل الأطفال يللي عم يطعمو البط. وبالنسبه للشمال اذا طلعت لازم تجرب حلويات عبد الرحمن الحلاب وخصوصا القشطه عندو قمة الروعه وانا أكيد انك رح تدعيلي...
وبالنسبه للأطفال فيك تروح عالأماكن يللي قلتلك عنها (الحبتو لاندر والريو لانتو) وكل مشوار منهم بدّو يوم شبه كامل وخصوصا الحبتور.
عالعموم انشالله كون افدتك واذا في اي استفسار آخر انا حاضر, وانا نازل علبنان بأول شهر 7 وباقي تحت 15 يوم يعني اذا فيني ساعدك بأي شي انا حاضر وبعيوني بخدمك...

لبنان رح يرجع
شكراً حبيبي على الملعومات بالنسبه للسكن انا راح اسكن في شقة واحد صديق لي بس حبيت اسال احسن مطعم مشويات في لبنان وين ويمكن اقعد في لبنان 20يوم ان شالله وانا نازل لبنان ان شالله في شهر 7 جوليا ايضاً بالنسبه اريد حاضنة اطفال عشان الاطفال معنا اريدها تكون معاهم تهتم فيهم اذا فيه ارجو الرد كيف الحصول على حاضنه ثقه في لبنان

مطعم مانويلا . جونية
مطعم منير . برمانا
مطعم برج الحمام . فندق الموفنبيك الروشة أو برمانا
مطعم فخر الدين . برمانا
مطعم عبدالوهاب
مطعم الجنة . برمانا
مطعم الجنة . بحمدون .
ع العموم اذا طالع بالصيف ركز ع المطاعم في الجبل تكون الجلسة الصيفية حلوة.

جنب النافذه
والله حاولت اسأل ودوّر بس ما وصلت لنتيجه مع اني بلبنان كنت شوف لوحات لمكاتب تأمين خادمات ومربيات من جنسيات مختلفه (اثيوبيات وفلبينيات وسريلنكيات ...)
انشالله المقيمين بلبنان رح يفيدوك وأكيد انا رح حاول مرة ثانيه وثالثه حتى احصل على نتيجه...