*ستار*
23-02-2022 - 07:40 am
السلام عليكم ورحمه الله وبركاته
اولا احب اشكر القائمين على هاالمنتدى الرائع والشكر موصول لكل الاخوان والاخوات الاعضاء بصراحه ماقصرتوا ابد لافي التقارير الرائعه ولا المساعده ولا التوضيح الله يجعل ماتقومون به في ميزان حساناتكم..
بصراحه من كثر ماقريت بالتقارير هنا دخلت سويسرا مزاجي وبقوه وودي باذن الله ان ربي يسر وكتب نروح لها هاالصيف بس انا اول مره اروح لها وودي بترتيب حلو لها ...اهم المدن والقرى اللي تستحق الزياره مع ذكر الاوتيلات والاسعار وبرضه ودي بديفون وانسي وباريس ويور ديزني واذا ممكن لندن لأن نفسي اشوفها وودي ببرنامج للي ذكرتهم وكيف راح تكون خط الرحله والتنقلات ايهم افضل السياره ولا القطار ولا ايش ؟والايام راح تكون بحدود 15 يوم والميزانيه ماراح تكون كبيره ... عددنا شخصين وطفل 6 سنوات والرحله بنهايه شهر 7.. اذا لندن صعبه او بتكلف كثير بتنازل عنها مع ان نفسي فيها بصراحه ودي اشوف اكبر قدر ممكن من الاماكن ..بس زوجي مايبي تتعدى الميزانيه 30 الف وش رايكم تكفون ياالخبراء ساعدوني ادري مصختها بس بصراحه مره حايسه وماقدرت ابد ارتب الوضع وودي اللحين عشان الاسعار اقل... الله يوفقكم يارب ويفرجها عليكم
وراح يكون سير الرحله كذا
الرياض - ميونخ = اخترتها محطه الوصول عشان استئجار السياره ارخص مثل مافهمت منكم بعدين راح نستاجر سياره ونطلع ل جنيف ونزور منها مونترو وغرير وايفيان وديفون وشامونيه وديفون وانسي طيب وش اقتراحاتكم للسكن وين نسكن ابي سكن حلو ورخيص وتقترحون اسكن بمكان واحد واتنقل ولا اغير بانتظاركم على فكره بنجلس فيها 5 ايام
بعدين بنطلع انترلاكن ونزور زيورخ ولوزرين ووينجن نفس الشي وين نسكن وايش الافضل التنقل ولا الاستقرار بمكان واحد بنجلس فيها 3 ايام