أنا من قبل سنة رحت فانكوفر ورحت عند عيلة اشترطت مايكون عندهم كلب وكانوا عيالهم الصغير بخامس ابتدائي (هذا اللي علمني اللغة اغلبها لأني العب معه) وغيره اكبر منه ولدين وبنت ... الام والاب كبار بالسن بس نشيطين
هالعيلة ارتحت معهم بس اهم شي لا تاخذ عيلة فيها طفل صغير لأن صديقي راح لعيلة عندهم طفل عمره سنة كان مجننهم وحتى هو مو ماخذ راحته مع العيلة

انا جربت بأستراليا السكن مع عائله وكانو زوجين بس وشياب وارتحت معهم بشكل كبير لدرجه ان الام كانت تهتم فيني اكثر من اهتمام امي فيني وانصحك تسكن عند زوجين بس بدون اولاد لأن الاولاد ممكن مايرتاحون لك ويضايقونك ببعض التصرفات وهذي صارت لواحد اعرفه

اذا تبغي ترتاح روح عند عجايز متقاعدين عشن راح تلاقي الحرمه طول وقتها في البيت وراح تلاقي الاهتمام منها في الاكل والغسيل وحتي لو تبغي تجلس تتكلم معاها تري هي فاضيه ماعندها شي ، وعلى فكره تري عجايزهم مو زي عجايزنا ، يعني راح تلاقيهم نشاط مره ، بس لاتفكر تخرج تتمشي معاهم لان الكبار في السن مايتمشوا كثير ، يعني انت في الخرجات نسق مع اصحابك في المعهد .
انا لما رحت نيوزيلندا سكنت عند عيله رجال وحرمه كبار في السن ، وكانوا عايشين معاهم احفادهم اثنين بنات توأم اعمارهم 16 سنه ، وبصراحه ارتحت معاهم مره ، البنتين نفعوني كثير خصوصا في الاشياء اللى الحرمه ماتعرفها يعني شحن الجوال واماكن الانترنت والاشياء اللى مايهتموا بيها الكبار ، بس البنات كان كلامهم سريع يعني صعب الواحد يفهم كل شي يقوله .
انا في رايي تأخذ عيله مكونه من رجل وزوجته بس كبار في السن يعني متقاعدين ، ويمكن في هذي الحاله ماراح تلاقي عندهم اولاد صغار وهذا اريح ، ولو لقيت عندهم احفاد كبار شويه زي اللى لقيتهم يكون مره كويس ، بس حاول تبعد عن العيله اللى عندها اطفال صغار لانك ماراح تستفيد منهم وغير كده مزعجين .
اتمنالك التوفيق

من دون حيوانات أفضل بكثير ..
بالنسبه للأطفال من عدمه يعتمد على نوعك
اذا تجلس في البيت كثير يفضل بأطفال ..
أما اذاكنت بتكون خارج البيت غالبا من دون أفضل لك ..
أنا سكنت عند عجوز عندها مشاكل عاطفية ..
وكانت تهتم اهتمام غير طبيعي .. واذا سولفت معها تبدأ تسرد مشاكلها لول تقول اني دكتور نفسي ..
بالتوفيق

ارجوكم افزعوا لي 4ردود توقعت اقل شي اربعين رد

االواثق
طيّب عبّر الشباب اللي ردوا عليك,, اشكرهم على الأقل