نشر في الكويت

الفزعة يالكويتين

أبوخالد_

25-07-2022 - 12:14 pm

السلام عليكم
انا الان في الكويت
وبغيت أسأل من وين تنشري الازياء الكويتية مثل البخنق
غطاء للرأس ترتديه البنات الصغيرات مطرز حول الرأس ومن الأمام
ابغا الوان احمر وغيرة وابغا اسعار رخيصة
الاستفسار الاخر من وين الاقي الشنط الي بسعر الجملة والدراريع الحلوة في حدود 100 ال 15 دينار
رحت اليوم المارينا مول وفيه محل حق شاهي وكذا وفيه كوب تحته ينحط زي الشمعة ليبقى المشروب ساخن ب7 دنانير ابغا محل ارخص

التعليقات (6)

حور الكويت

25-07-2022 - 03:39 pm

هلا أخوي أبوخالد
بالنسبة لملابس البنوتات البخنق موجود بمحلات التراثية بسوق المباركية
والجناط بعد بسوق المباركية والفحيحيل والفروانية
وبالنسبة للدراعات بسوق العربيد تختار الموديل بأسعار من 5 إلى حوالي 50 دينار يعني فيه الرخيص والغالي
والكوب موجود بالأسواق الشعبية المركزية بالمباركية والفحيحيل والفروانية

المرام

25-07-2022 - 04:40 pm

ما قصرت اختي حور
و حياج الله بديرتج

hisham90

25-07-2022 - 05:41 pm

كلها في سوق المباركيه

Dhari

25-07-2022 - 06:42 pm

أبوخالد_
اعتقد بالنسبة للطلب الأخير امور الأواني و غيرها من الأشياء رخيصة الثمن...
موجوده في سوق المعلم في سوق السالمية بشارع قطر.

كويتية كوول

25-07-2022 - 07:43 pm

البخانق في سوق الحريم واثواب بعد هالسوق اسمه سوق الحريم( تلقى بسوق المباركية ) بس مو للحريم فقط لكل الناس ( هالسوق مثل سوق مسلسل رقية وسبيجة قبل اللي كانوا يبيعون فيه , بس الحين يبيعون فيه من كل الجنسيات حتى الهنديات بس يلبسون براقع )) وبسوق الديرة ( سوق المباركية )بعد كل شي تلقى في من دراريع بالجملة وقواري وبخانق وكل شي رخيص
وبالتوفيق ...اتمنى فدتك واذا تبي شي احنا حاضرين للطيبين

*ام البدر*

25-07-2022 - 08:44 pm

سوق المباركيه سوق وايد حلو وفيه اغراض رخيصه وحلوه
مثل الدراريع البسيطه بو دينار ودينار ونص ,,وقمصان بيت ,,واحذيه وصنادل
واغراض بسيطه ورخيصه ,,
وبيجامات رخيصه للاطفال رخيصه ,,
وبالنسبه للدراريع الغاليه فى مجمع الاوقاف بشرق

الكويت المسافرون العرب

الفزعة يالكويتين