السلام عليكم ..
اول شي أحب اشكر جميع القائمين على هذا المنتدى الطيب ...
انا طبعاً ما سجلت هنا الا اني مستعجل من أمري وابي منكم الفزعه ..
انا قررت اروح لبريطانيا .. لأن فيه واحد يعز علي هناك وقال لي تعال
وانا ما صدقت خبر ههه على طول نويت ولله الحمد
لكن يوم سألت قالوا لي فيزا ومادري وشو ..
انا اول احسب اني اقص تذكرة وعلى طول أروح ... مادريت ان الوضع به تعقيد شوي
عموماً .. بحثت عن هالموضوع .. عن طريق سيدنا قوقل ..
ولقيت الاف المواضيع اللي تتكلم عن هالشي .. فيزة سياحية وطالب وبزنس ومادري ايش ..!!
طبعاً كل موضوع له شروط وطلبات .. ولا ادري هل طلباتهم موحده أقصد السفاره.. ام كل موسم يجددون الطلبات ..؟؟؟
لأني ما لقيت شي واضح أبد .؟!!؟
انا وضعي ابي اوضحه لكم ...
انا رجال رايح هناك زيارة .. يعني من ناحية السكن ماني حاجز ..
لأن السكن موجود وببلاش ..
هل اخذ فيزة سياحية او زيارة ولا ايش بالضبط ..؟؟
اخاف بكرا اخذ سياحية وبعدين يبحثون عني استخباراتهم وما يلقوني بالفنادق ..
ويقبضون علي ولا تصير مشكله .. لأن سمعت انهم متشددين بهالموضوع ...
واذا خذيت زيارة اخاف يطلبون مني أوراق من صديقي اللي بروح له وانا مابي ازعج الرجال
فاكسات وتعقيدات مالها لزمة ...
يعني اللي له خبرة بهالامور يقول لي اي الفيز اللي اخذها ...
وبالنسبة لكشف الحساب انا حسابي من 6 شهور ما نزل عن ال 20 الف هل هذا كافي
ولا يطلبون ززود ... لأن لو قلتوا لي يطلبون زود قسم بالله اني لا أشق الجواز بكبره .. انا اقول لكم السكن ببلاش .. يعني والله لو اني رايح اكل ذهب هناك وأشرب ألماس ما وصلت لل 20 الف ..
مدة إقامتي سبوعين .. وانا اكتب الموضوع الحين بالرياض .. بعد بكرا ابي اصبّحهم ..
مادري هل اخذ معي أوراق ولا شي ..!!؟؟
هل اجيب لهم تذاكر السفر ولا بدون ...؟؟؟ لأن فيه كم موضوع يقول ايه لازم وموضوع يقول لا ... ما فهمت شي صراحه
وكم سعر الفيزا ؟؟؟ .. لأني مره قريت ب 350 ومره ب 500 ومره ب 700 وهنا لحسة المخ .؟؟
اتمنى منكم اللي له خبره بهالمجال انه يفيدني لأني بالعربي ماخذ لي اجازة 20 يوم
عشان هالموضوع والظاهر بتروح الاجازة وانا ما خلصت الفيزا
انتظركم على احر من الجمر