وعليكم السلام ورحمة الله وبركاته
الله يحييك اخوي روكي بين اخوانك , ونرحب بكل استفساراتك عن اسبانيا
1- بالنسبة للغة الإنجليزية فليست مشكلة كبيرة لأن الأسبان اصلا مايتكلمون انجليزي
والسعوديين اللي يروحون اسبانيا مايتكلمون اسباني , وماشية امورهم كويس
2- بالنسبة للميزانية فهي تعتمد على عدة امور
لازم اعرف الوقت المحدد لسفرتك, لأن اسعار الفنادق والتذاكر تختلف من وقت لآخر
3- اما بالنسبة للأماكن اللي بتزورها إن اشاء الله فهي ماربيا وماحولها(بنا المدينة, ملقا, رندة) , بالإضافة إلى زيارة قرطبة وغرناطة واشبيلية
انت حدد لي الوقت بالضبط وانا اعطيك خط سير الرحلة كاملا
واي استفسار آخر فنحن في الخدمة

لاهنت اخوي الشاب ويعطيك العافيه على سرعة تجاوبك
بالنسبة للسفر احتمال يكون نهاية شهر 6 ميلادي فارجوا وضع ميزانيه مقترحه لاهنت
ووضع خطه للسفر
امكن اكون بكرت شوي في التخطيط للسفر لكن انا دايما احب اخطط لسفرياتي من بدري هذا وانا ايام ماكنت عزابي فكيف لما تكون معايه المدام يعني يبغالها تخطيط من الحين عشان ما اتفشل قدامها مثلك عارف عريس جديد ومسوي فيها ابو العريف وانا من جنب القايم

الله يحييك اخوي روكي
بالنسبة للأسعار في نهاية شهر 6 فهي ليست مرتفعة, وكذلك خطوط الطيران
لكن انا ودي اعتذر منك الحين, يمكن ماأكتب لك البرنامج إلا بعد كم يوم, لأنه على حسب إذا لقيت انترنت بدخل لأن وانا اكتب هذي الرسالة كتبتها وانا مستعجل لأني ماشي في رحلة داخلية في اسبانيا لمدة اسبوع تقريبا وبعدها برجع لسلمنكا
على العموم اخوي انا دخلت الحين بس عشان اعطيك خبر, وياليت تتقبل اعتذاري ولك مني برنامج متكامل مفصل إن شاء الله

أخي
روكي
مثلك عارف إذا حضر الماء بطل التيمم
وإذا الشاب وعدك أنه يرتب لك الرحلة فأعتقد أن أمورك زينه بإذن الله
لكن من باب الفضول لا أكثر
قد تفيد الشاب إذا أعطيته معلومات عن ميولك وهو يرتب لك الرحلة حسب توجهاتك
يعني
تحب التسوق............مدريد
تحب السهر............مدريد برشلونة
تحب التاريخ.........غرناطة قرطبة أشبيلية الخ..
تحب البحر وجوه.....ماربيا
تحب الإستجمام....مايوركا وسلمنكا
تحب المهرجانات......فالنسيا
تحب الحداق والفن المعماري....برشلونة
تحب الراحة.. تكون الرحلة لمدينتين بالكثير
تحب السياحة...تكون الرحلة لخمس مدن بالقليل
تحب السفر بالسفن....تروح لواحدة من الجزر مثل مايوركا
تحب السفر بالقطار أو الطائرة... مستعد تجلس 6 ساعات في القطار أو مستعد للذهاب للمطارات ومشاكلها
هذي الخيارات الموجودة في بالي
وما يعني الي كتبته أن التسوق ما يكون إلا في مدريد يعني باقي المدن فيها تسوق
وما يعني إن ما فيه مهرجانات إلا في فالنسيا
لكن كل مدينة مميزة في شي معين وحسب ميولك وطبيعتك
حاول أنك ترتب أفكارك وتضيف أي شي ممكن أنه يساعد في ترتيب رحلة مميزة وحسب جوك
من خلال ماسمعت من صاحبي الي زار فرنسا وإيطاليا وأسبانيا في شهر العسل
أن برشلونة كانت الأفضل بالنسبة لمدامته
أتمنى أني قدرتك أعطيك فكرة سريعة
ونحن في الخدمة دائماً
مودتي وإحترامي
أخوك
المنقلب

الغالي الشاب الله يعطيك العافيه خذ راحتك والسفر لسا بعيد ووقت ماتفضا اعملي البرنامج اللي تشوفه مناسب وانا عارف انك مشغول والله يكون في عونك
اخوي المنقلب اشكرك على اطلالتك الحلوه
بالنسبه لميلوي
الله يرحم والديك لاتجبلي طاري التسوق مثلك خابر طالع من زواج يعني على الحديده ههه
انا طال عمرك احب البحر والخضره والرومانسيه والتاريخ واحب المعمار والازقه الاوربيه العتيقه
ما احب كثرة المطارات لاني من كثر ما اركب الطيارات صرت اكرها تصدق اني من خمس سنوت والله كل اسبوع اسافر الاربعاء وارجع الجمعه بالطياره هذا غير الرحلات الدوليه في الصيف فلاتجبلي طاري المطارات

اهم شي شباب لو توضعوا ميزانيه مقترحه شامله
التذاكر والسكن في فنادق رخيصه والمعيشه والتمشيه وكل شي
ياليت عشان احدد ميزانيتي او اغير الوجهه

السلام عليكم ..
أنا جلست في أسبانيا سنتين ، على أوقات زمنية متفرقة ..
أقول لك .. نعم الاختيار في الحقيقة .. فالبد ثريّة بالأماكن والفعاليات المتنوعة .. خاصة إذا كنت تحب التنقل من مكان إلى مكان .
..
الأخ ( الشاب ) في الحقيقة أخبر مني وهو لديه القدرة على إعطاءك التصور المناسب .
..
والأستاذ ( مايوركا ) .. واضح أن لديه خبرة واسعة .. في أسبانيا .
..
على فكرة البلد غالية شويتين .. خاصّة وأنك ( سائح ) وسترتاد الأماكن السياحية .
فالسكن مثلا في ( 3 ) نجوم ومستوى كويس نوعا ما ومكان قريب من الفعاليات قد يكلفك في الليلة ( 80 ) يورو تقريبا ، وأهم شي تكون قريب من الفعاليات وأماكن النزهة يعني على رجولك ما يحتاج باص أو تكسي .
أما الأكل والشرب ف ركّز على الفاست فود ( الوجبات السريعة ) بما أن ميزانيتك متوسطة ؛ لأن أسعارها قريبة من أسعرانا في السعودية صحيح أغلى شوي لكن مثل عندنا تقريبا وعليك الحساب .
ف شوف الوجبة كم تكلف هنا في السعودية أو الخليج وزيد عليها شوية يمكن 4 ريال إلى 8 ريال .
التنقلات ..
التكاسي غالية .. والباصات زينة بس يبيلها عرف ..
ونصيحتي لك تستأجر سيارة ..
لا تستصعبها .. تراها سهلة جدا .. ومريحة .. وأرخصلك .. وعندهم الخرايط بالدقّة والدقيقة .. يعني ما تضيع بإذن الله .. وإن ضعت ما تطول ضيعتك
..
مع التحية والتقدير .

تمثال الشمع سعدت بمشاركتك وافادتك وان شاء الله انت وكل الشباب ماراح تقصروا
خصوصا انه اول من حفزني للسفر خارج المملكه كان هذا المنتدى الرائع بمعنى الكلمه وانا معاصر للمنتدى من اول ما بدا اضافه اني والله كل سفرياتي كان يتم التخطيط لها عن طريق هذا المنتدى لما يضمه من النخبه الرائعه والمثقفه والمحترفه في مجال السياحه والسفر
يعطيكم العافيه وننتظر المزيد

أخوي روكي
السلام عليكم ورحمة الله وبركاته
أولا: أعتذر عن التأخر في الرد
ثانيا: أنا توني واصل لسلمنكا مرة ثانية, بعد رحلة بين مدن أسبانيا
ثالثا: بالنسبة لأسبنيا فالتسوق في كل مكان في اسبانيا وكل مدنها مليئة بالأسواق وغالبا مواسم التخفيضات تكون في وقت واحد في اسبانيا كلها
بالنسبة للمهرجانات فإن المهرجانات تختلف من تاريخ لآخر, فكل مدينة لها مهرجاناتها الخاصة, وهي تعتمد على التاريخ اللي بتسافر فيه
أما بالنسبة للتاريخ فأعتقد أن جنوب الأندلس رائع مثل غرناطة وقرطبة وأشبيلية ورندة وملقا وغيرها
والجزر عندك مايوركا او الكناري
ومثل ماقالك اخوي المنقلب
اما بالنسبة للفنادق ففنادق 4 نجوم ماتزيد على 50 يورو في اليوم الواحد في اي مدينة تبيها في التاريخ اللي انت مسافر فيه
لكن برشلونة فيها ضغط في شهر 6 لكن الأسعار ماترتفع كثير
انت شوف اسعار الفنادق من مكاتب السياحة وقم بالإتصال على الفنادق هناك للمقارنة
لكن اذا كنت ناوي تسافر مدن ثانية, سو باقي الحجوزات من المدينة اللي أنت مسافر منها
وبالنسبة للسيارة فأنا انصحك بإيجار السيارة فقط لما تكون رايح للجنوب أما غير الجنوب فلا انصحك ابدا بإيجار السيارة إلا اذا كنت ناوي تتنقل بين المدن في الشمال
اما بالنسبة للبرنامج الليلة بتفرغ له ان شاء الله وبعطيك التفاصيل
واي استفسار آخر فنحن في الخدمة