ياجماعة الخير هذا ثاني موضوع انزله ولا احد يرد علي ..
اتمنى من اللي عنده خبره في سفراته للنمسا يتفضل ويرد ...
بليز

حياك اخوي هاوي ..
سؤال مهم .. كم مدة رحلتك .. ومن وين راح ترجع للوطن ؟؟ لانو مدينة الرجوع راح تخلينا نحسب لها حساب وايام معينة ..
ثانيا انسى موضوع انسبروك نهائيا .. لانها لاتستحق الزيارة مقارنة بباقي المدن .. يعني من الممكن تزورها اذا كنت مسافر لسويسرا ومن غير اقامة بعد ..
بالتوفيق ،،

اخوي .. قرأت موضوعك اللي قبل .. ارجوا التأكيد اذا كان على ماهو عليه .. او انك غيرت شي ؟؟ عشان نكمل النقاش ..

ياهلا وغلا بسفير النمسا اخوي بيمو
في البداية راح اوصل لمطار ميونخ في تاريخ 7 يوليو ان شاء الله
واخذ السيارة اللي استأجرتها من المطار الى سالسبيرق وراح اجلس فيها 4 ايام وبعدها على زيلامسي 4 ايام وبعدها على انسبيرك يوم واحد وبعدها راح اذهب على انترلاكن 7 ايام وبعدها جنيف يومين وبعدها على ميونخ 3 ايام وبعدها الى الوطن وبارك الله فيك اخوي بيمو على تجوابك ..

حياك اخوي ..
توزيعك حلو .. ولكن انترلاكن 7 ايام كثيرة عليها .. افضل انك تضيف يوم او يومين لزيلامسي .. وبعدين الله يعينك لانو العودة من جنييف الى ميونخ مباشرة طويلة حيل .. وانا عندي لك شور :
اولا زيلامسي وانترلاكن متشابهتين بالطبيعة والجو ,, يعني لو تختار وحدة منهم او تقلل المدة فيهم .. وبكذا يكون برنامجك حسب رأي المتواضع :
سالزبورق 3 ايام
زيلامسي 5ايام
انسبروك يوم ( مع اني ما أؤييد الاقامة فيها لانو من زيلامسي الى انترلاكن 6 ساعات بالسيارة )
انترلاكن 6 ايام ( منها يوم الى جنييف ) ساعة ونص بالسيارة .. او اذا ودك تقسم الايام بين انترلاكن وجنييف
يوروب بارك يومين ( روعه وهي على خط الرجعه الى ميونخ تقريبا .. عشان ماتضرب مشوار من جنييف الى ميونخ )
ميونخ باقي الايام والعودة للوطن
ايش رايك.؟؟

في البداية اشكرك اخوي بيمو على اعطائي بعض من وقتك للمناقشه في البرنامج وجزاك الله خير ورزقك الجنه على مساعدة اخوانك واخواتك في المنتدى ..
اخوي بيمو خليني اكون معاك صريح انا من عشاق الطبيعة ولا تستهويني المدن والاسواق وغيرها يعني بالعربي ادور على اماكن الطبيعه ...
اوكي لعيونك راح اخلي سالسبيرق 3 ايام وزيلامسي 6 وراح استغني عن انسيرك ازورها من زيلامسي ..
وبالنسبة لانترلاكن انا جلعتها 7 ايام لاني راح ازور كذا منطقه منها لانها بالمنتصف وازور اكثر من مدينه وبالنسبة لجنيف خصصت يومين ازور الجانب الفرنسي الجميل
وبالنسبة لميونخ خصصتها لان فيها المطار اللي راح اغادر منه وراح اخصص يوم ازور قارمش الجميله ..
نصايحك اخوي بيمو راح اخذها في الحسبان ويمكن اغير البرنامج كله اذا كان عندك شيء بتقوله
احترامي لك عزيزي بيمو ..