فيينا كثير عليها 5 أيام حتى لو أحتسبنا اليوم الضايع وصارت 4 أيام
أنا أقول شف هالمخطط وان شاء الله يعجبك
طبعا سويت تعديل بين المدن عشان المخطط يكون أرتب وأسرع
فيينا 3 أيام
سالزبورغ 3 أيام
زيلامسي 6 أيام
قارمش 3 أيام
ميونخ 2 يوم
وهذي صوره للمخطط وبتلاحظ أنه أرتب من الي قبل :

السياره راح أخليك تستلمها في مدينه ألمانيه بدال النمسا
عشان اذا جيت ترجعها لميونخ مايحسبون عليك ضريبه التسليم في دوله اخرى
تقولي كيف !! راح أجاوبك ..
خل ذهابك من فيينا الى سالزبورغ عن طريق القطار
واستلام السياره خله في مدينه المانيه اسمها فريلاسينج تقع على الحدود مع النمسا
تبعد عن سالزبورغ فقط مسافه 7 كيلوا
وللعلم سالزبورغ أصلا بلده حدوديه مع المانيا
اذا وصلت سالزبورغ تأخذ السياره من فريلاسينج وترجع لسالزبورغ وتكمل مخططك
ثم تتجه الى زيلامسي وبعدها لقارمش ثم لميونخ وتسلم السياره هناك .
لاتنسانا من دعائك

ما اقدر للاسف اعدل على جدول فيينا تحديدا السكن مدفوع وغير مسترد
الحاجة الثانية وصولي بعد فيينا لزيلامسي 6 ليالي ثم لسالزبورغ ..
فشالحل بخصوص السيارة؟
وصعب جدا التغيير في زيلامسي لاني حجزت قبل شهر في سي فيلا
والان مستحيل احصل..
لكن ممكن بخصوص قارمش اخلي ميونخ اخر ليلتين وقبلها ليلتين في قارمش..
ارجو توضيح مكان استلام السيارة ووصولي في زيلامسي..
كما ارجو توضيح طبيعة قارمش؟ جوها؟ الاماكن السياحية فيها؟
علما بان سفرتي شهر عسل ^_^

طيب يالغاالي كان وضحت من قبل أنك حاجز الفنادق ومخلص !!
بخصوص السياره مافيه حل الا أنك تستلمها في أخر يوم لك في فيينا
ثم تتوجه بها لزيلامسي
بخصوص قارمش
اقرأ هذا التقرير المصور للأخ آخرالفرسان بعنوان يوم جميل في قارميش
وان شاء الله راح تستفيد منه لانه كامل ومفصل الله يجزاه خير
https://artravelers.com/p/re/89558

استلمها من فيينا؟ ضريبة المنطقتين بتلاحقني اجل؟
ولا اقصدك اخر يوم في فيينا اروح بالقطار لفريسلاينج ثم ارجع بها وعلى زيلامسي؟
وشاكر لك جهودك ياملوك (يالسمي)

هو مالك الا هالحلين يا أنك تستلمها من فيينا وتدفع الضريبه
أو تروح لسالزبورغ بالقطار وبعدها على فريسلاينج وتستلم السياره
بس تبي نصيحتي استلمها من فيينا أريح لك وادفع الضريبه
كونك في شهر عسل

شكرا ياملوك على النصايح الجميلة ..

حياك الله يالغالي
ومانبي الا الدعاء
والله يوفقك و ان شاء الله تستمتع بسفرتك