كل بلد لها عشاقها وكما نهوى اندونيسيا هناك من يهوى غيرها وهكذا

حرام عليك أخوي
وش فرق الثرى عن الثريا :112:
إندونيسيا تملك مقومات سياحية وسوريا أيضاً !!
ولكن !! ما فائدة مقومات جذب السائح بدون إحترام السائح نفسه !! وهذه هي سوريا !!!!
هذا بإختصار !!
تحياتي

بالنسبة لسوريا وضعها مختلف عن اندنوسيا بكل شي .....................
ولا تقول لي مقارنة ترى فرق السماء عن الارض .................
مثل ما قال الشاعر
ماعاد لي في الشام ياأخوك عازا ........ ولبنان وكشخاته عساهم يولون

كل بلد لها عشاقها

والله كل شخص يرتاح في دولة معينة
انا اول كنت كل سنة مصر مصر مصر لا حضت اني مصختها يابوي غير شوي وكل ربعي كذلك القاهرة
وجاني واحد من الشباب عزيز وغالي شرواكم وقال لي يابو فلان السنة معي في السفرة قلت اوكي يعني
اضبط الشقة خلاص قال اي شقة قلت له في القاهرة قال اي قاهرة قديم انت قلت شلون قال العمة قلت
وشي العمة قال اندونيسيا قلت اندونسيا لية ياخوي اضيع الاجازة عشان اروح
اندونيسيا قال صدقني يابو فلان والله شي ماتتخيلة جو وطبيعة شي ماتصدق قلت قلت يابو فلان انا طالبك
تروح معي قلت له بس بشرط قال تم قلت خمسة ايام بس وبعد كذا على القاهرة قال بقول لك شي قبل
لانحجز وتذكره بعدين قلت وشهو قال إذا ماتكنسل على مصر مااكون فلان لاتنسى اول ماننزل في المطار
راح تبدي اعجابك فيها وبعد يوم راح تتولع فيها وبعد الخمسة ايام راح تمدد فيها وانا وياك بحق
حجزنا على الجارودة واقلعنا وهبطنا يوم شفت شي بحياتي ماشفته عاد انا مسوي فيها ان الديرة
ماعجبتني قال هاه وش رايك قلت زوينه قال توك ماشفت شي عاد هو وش سوى على طول على الجبل
وحنا على الطريق وقوله يولد ماعندهم شي اسمة طعوس كله خضار قال تو الناس وصلنا الفله يارجال
ونزل الاغراض وانا احس اني مبسوط قال خويي هاه قلت والله ياخوك انك صادق قال يالله الذبيحة
ونجيب الذبيحة وانواع الكبسات والوناسة يوم كلين الكبسة اللي يحبها قلبك قلت مشينا قال وش عنده
الدليله قلت اقرب مكتب طيران غير الحجز و27 يوم الله ياهي وناسة ومن عقبها وانا اندونيسيا بالصوت
العالي والقاهره شلتها من المومري مرة
والناس مزاجات هذي وجهة نظري انا
وتقبلو تحياتي : اخوكم فهد الخالد

شرواك الطيب
الحقيقة مثل ما قلتم لكل شخص هوى في ديرة
ولو تلاحظون هناك موضوع كتبه احد الاشخاص في هذا المنتدى عن اسوا بلد وافضل بلد
وغالبية الردود تجمع على ان اسوأ بلد هي مصر وبعدين سوريا
ومع ذلك هي اكثر الدولة مليئة بالخليجيين

لا لا أخي
رجاء خاص لا تقارن بين البلدين في أي من الفروقات
أنا كنت من رواد سوريا عام 1991م
وحولت الوجهة إلى بلاد العمة
ومن يومها ما رحت ل سوريا

اخي كاتب الموضوع........معليش لا وجه للمقارنه على الاطلاق وعمل المقارنه لها طلم كبير على العمه ...
اخوي فهد الخالد........نفس القصه صارتلى بس انا خوياني كنسلو السفر المتفق عليها ...وكان ودي اسافر وما لقيت غير شباب من خوياني ودهم يروحوا اندونيسيا ...والله لغايت ما رحتا للمطار ونا ودي اكنسل الروحه ...وما نفسي اتكلم يوم شوفت الشغالات والسواقين فى المطار قلت ...الحين ذولى عندهم سياحه ولا انبساط ...يا قلبي لا تحزن كم يوم ورجع جده واسمي غيرت جو...بس يوم رحت وشفت الراحه النفسيه الغير معقوله ...والجبل الرهيب...ادمنت ...ملاحطه..رحت اندونيسيا بعد الشباب خمسه مرات والان متفقين بس يرجعوا الصغيرين الى مدارسهم نروح احنا.

أخواني سمعوني أنا بقول شيْ أنا رحت لمصر أكثر من سبع مرات ورحت لسوريا ورحت لكثير من الدول لكن رحت لماليزيا وهي شبيهه لحد ما مع الطبيعة الأندنوسية وناوي الصيف الجاي أن شاء الله اروح لأندونيسا لبعمه وأبغى أوضح نقطه أن الخليجيين الي مالين مصر وسوريا مارحو لدول شرق اسيا بشكل عام ماليزيا وأندنوسيا بشكل خاص ولاكان نسو شيء اسمه مصر وسوريا والله العظيم ملكم علي حلفان لوتروح كل سنة لهذه الدول ماتمل منها أبد ايش تعامل ايش احترام ايش اهتمام ايش تقدم ايش نظافة ايش وايش وايش ويش اقولكم بس وتراني يأخوان ماني مبالغ لكن الي مومصدق يروح ويجرب وبعديين يرد علي أنا موجود في هذا المنتدى الجميل والرائع والحقيقة لايفوتني انوه الى أني استفدت من هذا المنتدى في سفراتي كثير وأنصح كل واحد بيسافر لازم يخش هذا المنتدى الي أقل شئ اقول عنه رائع