وعليكم السلام
طيب بحكم خبرتي 19سنه اقول والله المستعان
اول شي كطبيعه انا اشوف الجزيره الجنوبيه اجمل
طبيعه الناس الجنوب افضل وذلك بالشمال اكثر سكانها الموري وبعض الجزر مثل تونجا والساموا والكوك ايلند اما الجنوب فاكثرها اوربيين
بالامان فالجنوب اامن بشكل واضح وكبير
الشمال شوي ادفئ من الجنوب بفصل الشتاء
عدد السكان بالشمال اكثر من الجنوب
المدن بالشمال اغلا من الجنوب من حيث السكن والتنقل وبعض الامور
ان شاء الله اجبتك واذا عندك سؤال معين تفضل
بالتوفيق

يعني بشكل عام الجنوب افضل
انا ابي ديره مافيها شمس غيوم دايم تخبر صاقعتنا الشمس في الرياض لين دخنا ابي امطار وغيوم وناس وسيعه صدر واكيد الامان اهم شي معناته ان شاء الله بنجيك بالجنوب

حياك الله تنور نيوزلندا من شمالها لجنوبها
احنا الحين في موسم الشتاء وصيامنا في رمضان ان شاء الله 9ساعات
يعني النهار جدا قصير شهرين وتصير اشقر وعيونك زرق
نيوزلندا اذا مر عليها شهرين بدون مطر تصير مثل الربع الخالي؟

بثقل شوي عليك ابو يوسف
وش افضل الاماكن بالجزيره الجنوبيه للدراسه غير المدن
ان شاء الله قررنا الجنوبيه بس نبي الافضل في التعليم والجو والهوم ستي والاقل عرب
عشان نبدأ بالحجوزات الداخليه من اوكلاند ووش افضل الخطوط النيوزلنديه

مافي مشكله الله يحفظك
طيب كرايست تشيرتش فيها اقل من ثلاثين طالب بالوقت الحالي
المدن الصغيره ما انصحك فيها بوقت الشتاء لقلة الحركه فيها فتصير عندك (وحشه)
عندك امارو مدينه كويسه وفيها معهد كويس ولا اظن فيها عرب ابد بالوقت الحالي

انا مو مستعجل لسى قدامي ثلاث شهور
كنت بسال كيف نوصل ل اومارو من اوكلاند
وياليت تعطيني روابط افضل المعاهد هناك عشان ابدا اراسلهم واتفاوض معهم
وبالنسبة لتحويل المبلغ متى افضل وقت لاني اشوفه حاليا ب 3.18
وهل فيه خيارات ثانيه مع اومارو