الحمد لله على السلامة اولآ
ثانيآ اتشرف انه تكون اول مشاركة لي في موضوعك
وفي انتظارك...

اللغة الانجليزية كانت تتردد في ذهني بس ما عطيتها بال بس كنت اقول لنفسي ابي تكلم انجليزي بس مدري متى ودي اتكلم او ودي اتتعلم عشان اتكلم هذا يوم كنت صغيرر . اخوي الاكبير قبل تقريبا 7 سنوات راح لكندا دراسة وانا كنت صغير بس في نفسي اقول يا حظه ودي اسافر اجلس مده طويلة مو عشان دراسة بس لا وناسه تعرفون انتم بس كانت امنيات واحد صغير ما يقدر سوي شي . مرت الايام ومرت السنين . تقريبا قبل سنة من الان كنت في احدى الدول الخليجية وكنت معرف عند اهلي واخواني اني احب السفر مو دول بعيده لا دول خيلج او الدول العربية سبحان لله مره من المرات اخوي الي انا قلتكم راح كندا دق علي وقالي ابيك قلت اوكي جلس فهمني وشار علي بدون مقدامات قالي وش رايك تسافر نيوزيلندا بدون خيارات بين دول او اي شي قلت نيوزينلدا كنت اعرفها بس معرفه بسيطه من فلام مملكت الخواتم مثل ما انتم تعرفونه كنت ادري ان فيها طبيعه وناسة غير اللغة الي انا كنت ابي اكتسبها على طول موافقة سريعه ارض جو مع شوية فرح وعلى شوية حلم لا اني ما كنت مصدق موافق بصوت عالي حتى هو ذاك اليوم خاف ههه عموما ليه اطولها بس قالي بشرط قلت اها بدينا شروط قلت اوكي ايش الشرط قالي درس ثلاث شهور في اي معهد قوي طبعا المعاهد القوية معرفوة المجلس الثاقافي البريطاني ولا دايركت انجليش ولا اكدمية الفيصل العالمية قلت في نفسي يا الله من جده هاذا يبيني اجلس ثلاث شهور قلت في نفسي اقول كنسل يرجال وقلبها مع الشباب وسافر هينا اما انك تبي اتجلس ثلاث شهور بدون سفر مستحيل سكت قالي وش رايك جلست افكر شوي لقيت انه صادق ليه ما ادرس كيف ابي اروح اهناك وانا ما اعرف شي وبي اخذ معهم واعطي وافقت بطعا من هذا الباب انا انصح اي واحد يبي يطلع ياخذ 2 شهرين على الاقل عشان يقدر ياخذ ويعطي مع الناس عموما بعد التوفيق من الله اخترت اكدمية الفيصل ولله العظيم انه فعلا اكدمية وانا ادعيلهم الى الحين ولله مو دعاية بس لازم اوفي شي واحد من الي قدموه لي درسة يا شباب ثلاث شهور مرت هوا الشهر الاخير من الدراسه في اكدمية الفيصل كان احلى شهر واتعب شهر عندي عموما هاذي الحلقة الاولي والكلام بقية
اخوكم (medo)النيوزيلندي

وانا معكم متابع وانظر الموضوع احر من الجمر

السلام عليكم
هلا ميدو ما سجلت الا عشان ارد
مشكور على النصايح كانك عرفتني

1. بسم لله نكمل

بسم لله نكمل

اخر شهر من اتعب الشهور في حياتي بديت ابحث عن المعهد الي يبي يكون من نصيبه دراستي فيه عموما
عاد بعد المتابعه والاسئلة من خلال هذا المنتدى الجميل اخترت كذا معاهد وراسلتها كلها تقريبا كانت سته معاهد ومارد علي الى معهد واحد طبعا كنت ناوي اروح عن طريق مكتب بس اخذت بكلام كثير من الاعضاء واولهم المايسترو عن نصب المكاتب واخذ الفلوس والمسئلة بسيطه ما تحتاج عموما جاني الرد من المعهد
قبل كيذا كنت ناوي اروح لنيوزيندا بدون حجز وكنت اقول خلني اروح اهناك بدون شي وانا اختار واشوف بعيني بس فكرت قلت تخيل لو المطار رجعني وبعدين قلت انا اضمن استقبالي في المطار وبعدها ادور طبعا استقبالي يبي يكون مرتب له مع معهد يا اخذ ني من المطار المهم جاني رد انبسطت والامور تيسرت الحمد لله ومن توفيق الله ما كنت خايف سبحان يعين بعض الناس لما يبغى يسافر ولا حاجة يجيه خوف من الديره والناس الي اهناك لا كن انا سبحان ولله ما حسيت بهذا الكلام عاد الاجابة معروفة مايبيلها يعني لولا الله ثم هذا المنتدى اكيد ابي اكون خايف لا ن ما عندي اي معلومه بس ولله يا شباب انا كنت اعرف قبل الروحة كل شي عن نيوزينلدا الانظمة وش يحبون وش يكرهون عاداة هم ولو اكلكم حاجة من كثر توضيح هذا المنتدى لي اني عرفت الافياش وكل شي عشان كيذا ماكان فيه شي يدعو لقلق الى شي واحد وانا اكره في كل وقت وحتى في كل سفرياتي مو هذا السفرية بس الي هو الملابس ماعرفت وش اخذ معرفت وش ما اخذ لاكن جت مسهلة بفضل الله عموما بعد ماجاني الرد ارسلي المعهد ان المبلغ كذا كذا لمدة اسبوعين لاني قلتلهم اني راح اجرب المعهد لمدة اسبوعين عشان ايذا ما اعجبني اغيره او اكملة حولة الفلوس سريع سريع ارسلو لي الايصال طبعتة قصيت التذاكر خلاصت ملابسي جددت جوازي معنه ماكان منتهي لاني صغير في السن بس كان الطبعة القديمة وقلت خليني اجدده احسن الوالدة ماقصرت رتبت الشنطة حقتي بعد ما دريت الى رحلتي بكره ولله يا شباب ذاك اليوم ما اقدر انساه مستحيل انساه اقدر اقول ليلة ولا اي ليلة في حياتي تفكير اختلطت فيها المشاعر حزن مع فرحة حزن فراق اهلي وفرح لا اني ابي اروح لعالم جديد شي جديد كل شي جديد والي كان محمسني التقرير الي هينا في المنتددى وياكثر التقارير الي حمستني ولا اقدر اعدها
عموما الرحلة كانت الظهر واذكررها بعد بساعة 3 عصرا من الفرحة كنت اهناك الساعة وحدة وكنت قايم الساعة 10 الصبح وانا ما نمت الى 4 الفجر يعني ما منت عموما كنت اسمع على الركاب الي متوجهين الى دبي يتوجهون الى بوابة رقم 26 ولله مانسيتها وعلى فكره انا كان خط رحلتي الرياض دبي دبي سنقافورة سنقافورة اوكلاند رحلة طويلة وعلى الخطوط السنقافورية فعلا خطوط حلوة عموما رياض على طول دبي الرحلة ماطولت في دبي بس ساعة ونص في المطار وانتم تعرفون على بال ما تحصل البوابة وتقص البوردنق الى وحنا في الهوا متجهين الى سنقافورة الرحلة هاذي كانت فعلا مختلفة تماما وغريبة واغرب رحلة في حياتي من نواحي كثيرة المشاعر الزمن وطول الرحلة والأشكال بديت احس ام الاشكال تغيرت معي من هاذي الرحلة الشعر الاشقر والبشرة البيضاء بس مو كثير بس تقدر تميز 11 ساعة طياران نمت قمت تفرجت افلام فتحت الب توب سكرت الب توب ضحت مع المظيفات سولفت معاهم خلاصت السوالف وماخلصت الرحلة بس كانت ممتعة على اي حال وصلنا سنقافورة على فكره خط السير حقي كان متعب فعلا ما طولت في سنقافورة جلست 3 ساعات بس كنت ناوي اخذ غرفة بس قلت ما تستاهل وكنت جوعان قلت لنفسي يعمي خذلك وجبة وبعدين فكر مديت النظر في ذاك المطار الحلوو الجميل ايضا الي واشوف علامة لمطعم برجر كنج قلت هلابك بدون شعور الى وانا عنت المحاسب وطلبت الحمدلله بعد الاكل بديت افكر واول شي قبل الروحة للمطعم رحت وعرفت وين مكان البوابة كان قدام البوابة جلسات فجلست فيها لين جا موعد الرحلة قصيت البوردنق ركبت الطيارة عاد الرحلة هاذي اقدر اقول انا الوحيد الي غريب كلها شعور شقر وبشرة بيضاء وناس نيوزينلدين ولا اوربيين عموما انا غريب بينهم بعد كيذا اختلطت عندي مشاعر الخوف والفرح والحزن (ولله مدري وش صارلي )عموما كل شي غير توزيع المشروبات الكحولية بيرة واين كل شي غير فعرفت وحمد ربي على نعمت العقل ونعمت الدين سبحان الله يعني لو صار شي في هاذيك الرحلة راح يموتون وهم سكارى ويبعثون على هاذي الحالة سبحان الله والحمد لله على كل شي وعلى نعمت العقل عموما كانت 10 ساعات وانا اعد ساعة ساعة...................
الحلقة القادمة موقفي مع المضيفة
مع تحيات اخوكم (medo)النيوزينلندي

متابعين ..
بداية شيقه صراحه

بداية حلوه صراحة
واسلوب جميل
بس ينقصه التنسيق
متابع معك أخوي

أولآ : الحمد لله على السلامة ..
وثانياً : أوعدك أني أكون أول المتابعين لك ..
والله يعينك يا أخي على الجهد و الوقت ..
والله يوفقك في حياتك العلمية و العملية