أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اخوي kuwaitt25 السلام عليكم, بالنسبه لمصح ياخيموف jachimove هذا تقريباَ مخصص للحالات الصعبه بشكل عام ويتميز بوجود مياه الرادون النادر وجودها والمفيده في حالات الاعاقات الكليه او الجزئيه كفانا الله واياكم شرها, وهذا المصح غير مخصص للصغار بل بالعكس اكثر الموجودين فيه كبار في السن وعيبه ان منطقة ياخيموف صغيره جداََ جداَ يعني لا تستغرب لو قلت لك ان الديره كلها ( محطة باصات + المصحه+ كوفي شوب او اثنين + محل او اثنين ان كان فيها محلات + غابه) والدليل انها ممله اننا كنا في كارلوفي فاري وكان فيه مجموعة شباب يجوننا يومياَ بالباص" 45 دقيقه ", ولكن بشكل عام نصيحتي اذا كانت الحاله غير معقده ان تروح لكارلوفي فاري Karlovy Vary لأنها يوجد فيها علاجات بس تميل الى ان تكون نقاهه اكثر من كونها علاج حالات صعبه وفي نفس الوقت المدينه جميله جداََ جداََ (افضل المدن التشيكيه برأيي) واذا رحت بحفظ الله حاول انك تلحق على النصف الأول من يوليو عشان مهرجان السينما اللي يضفي على المدينه حركه ووناسه ( دون ازعاج وزحمه لا تخاف), اما بالنسبه لتبلتسه فما عندي فكره عنها لكن اللي اعرفه انها حلوه شوي والظاهر انها اكبر من كارلوفي فاري بس ما اعتقد انها اجمل, وفيه طبعاَ مارينسكي لازني يمدحونها من ناحية الجمال لكن ماعندي عنها اي فكره, اعتذر ان استطردت عن موضوعك لكن حبيت افيدك بكل ما عندي, اخوك....عماد
حياك الله اخوى عماد انا الحالة اللى عندي لطفلة مامشت الا عمرها 3.5 والان عمرها 4 سنوات وفيها رخاوة بحيث انها لو احد لمسها تقع على طول ونصحونى بمصح اسمه لوفارى على ما اضن فى تبليسيا
اخي العزيز كويتي 25
انا ذهبت العام الي التشيك وبالتحديد تبليتسيا وهي منطقه جميله جدا
اذا كنت علي حساب الدفاع يعطونك المصروفات كاش من الكويت والعلاج مدفوع وخالص انا ذهبت مع والدي وعطوني الف وخمسمائه دينار وجلسنا هناك شهر وكفتنا وزيادة
اما بالنسبه الي المصحات والخاص بالاطفال انصحك بالمصح الحجري لاني وجد هناك كثير من الحالات التي يقول والدين الطفل انهو تحسن
وهناك الكثير من الكويتين والخليجين وكانك بالخليج والبلد رخيص جدا
وسوف ينتظرونك بالمطار موظفين المصحات لتسهيل اجرائتكم
واذا تبي اي استفسار انا حاضر ياولد عمي
ويارب ياكريم يشفي ابنتكم بحيل اللي ماتنام عينه
مشكورين يا اخوان ولا قصرتو خوى بيكاسو70 انا اليوم رحت للصحة وعطوني عروض شركات المركز العالمى والرابية والصوان
ومدري شختار وبغيت اسال شلون اذا بغيت اسوي تمديد شهر اضافى
بس لالالالا تروح سوى لياخي موف