السلام عليكم ياأهل اوروبا
أكيد بعد تايلند بتنسون أوروبا مره
بخصوص السواق في تقرير كامل عنهم
بخصوص سياره كبيره ..
دائما أري ميني فان أمام الفنادق الكبيره والتي يسكنها العرب
(متعودين ,ينتظرون العرب علي أحر من الجمر زز زناس تقط الفلوس قط)
واذا ماشفتوا ممكن تسألون الي في الفندق .. والبواب والذي يفتح الباب

• * واذا أضطريتوا زياره واحده لشارع الغرب

واسألوا أصحاب المحلات العرب فهم ((يشتغلون بتاع كله))
الشلالت والنهار والاسواق والحدائق والكهوف .... في كل مكان ومتشابهه
بالنسبه لأماري ووترغيت ممتاز وعند الاسواق
مكاتب الرحلات كثر البقالات
ولاترين الشركات الكبيره ((معظمهم وكلاء)
يبيع لكم التذكره وخلاص
فيجب سؤال أكثر من مكتب عن السعر وأخذ السعر الارخص
لانه بالأخير سيكون نفس الباص او القارب أو الرحله
ولكن الناس اشتروا تذاكرهم من مكاتب مختلفه واسعار مختلفه (هذه تايلند)
سترون المكاتب بكل مكان
وعروضهم والبرامج مكتوبه بره المحلات .. حتي راح تنسون برامج المنتدي
والكلام اللي سألتوه كله
برامج ترونها امام المحلات واسعارها مكتوبه
اسهل من امتحانات الابتدائي
لاتحاتون
ومع السلامه
سفره سعيده

العصيمي ما قصر ،، وانا بضيف اشيا ،،
الرحلات في بانكوك لخمسة ايام :
1- سفاري ورلد
2- سيام بارك
3- دريم ورلد
اما بخصوص شلالات ايروان هذي الرحلة راح تاخذ منك نصف يوم تقريبا لانها ساعتين ذهابواخرى اياب وباقي الوقت اللي محسوب عليكم بتقضونه هناك ويفضل الخروج مبكرا حتى تستمتعون باكبر مدة بالشلالات ،، حجز الرحلة اما عن مكتب سياحي وموجودين بكثر في شارع العرب او عن طريق الاتفاق مع اصحاب الميني باص موجودين في شارع العرب وايد وباصات مجهزة ومريحة ،،
سعرها الرحلة دام انكم مجموعة من 10 اشخاص يمكن تطلع عليكم بين 2500 الى 4500بات والسعر للمجموعة كلها يعني اذا قسمتوها على 10 بيكون السعر معقول اللي يدفعه كل شخص ،، وطبعا حاولوا تكاسرون بالسعر

مشكورين وجزااكم الله الف خير...ماقصرتوا...
بس عندي استفسار...السايق..اقدر اتفق معاه ان يكون معاي من الصبح لي الليل..؟؟!
واستفسار ثاني..اي شركة اتصال اقدر اخذها لخدمة البلاك بيري...؟؟ واقدر استخدمها في بوكت؟؟
تحيااتي لكم..

بالنسبة للسائق تقدر طبعا اذا اتفقت معاه كل شي تمام ،،
وفي تكاسي وبعد اشخاص يعرضون خدماتهم بسياراتهم الخاصة ،،
اما بالنسبة لشركة الاتصال انصح بشركة ون تو كول هي الابرز وتقدم خدمة البلاك بيري اعتقد تكلفتها 160 بات لمدة اسبوع واحد تقريبا 18 ريال سعودي ،، بلاش الصراحة بالنسبة لمسافر يستخدم الخدمة بالخارج ،، وهل تشتغل في بوكيت المفورض طبعا الخدمة شغالة في كل تايلند ومش في منطقة اوخرى لا ،،

مثل ماقالوالاخوان عندي ملاحظه على شركه الاتصال
مثل ماقال اخوي ولد البحرين البلاك بيري والاي فون افضل شركه 12 كول
واذا تبون تتصلون حق بلدكم قبل لاتدخلون فتح الخط حط 005 وبعدين فتح الخط تطلع لكم ارخص
مثال 00500973 وبعدين الرقم

الف الف شكر لكم...ماقصرتوا...وبيض الله وجهك ياولد ديرتي البحرين...عسى الله يحفظها لنا انشالله..قول امين..
طيب استفسار ثاني..معليه تحملني..ممكن بس تعطيني اسامي المجمعات..الي تستاهل الواحد يروح لها..واذا كان عندهم اوتلت..يعني الماركات الاصليه بسعر رخيص..؟؟
واحنه راح نسكن بأماري واتر جيت..شنهي المجمعات الي يمنه ونقدر نروح لها سيرا على الاقدام؟ وبالنسبه للمطاعم..شناكل؟
وهل في شركات سياحيه نقدر نحجز منها..جنب الفندق؟
ودايما اسمع بالسوق العائم في بانكوك...فما المقصود فيه؟!
مسامحه عاد ياخوي ازعجتك...
فالانتظاار..تحيااتي

1. مجمعات واسواق منطقة سيام التجارية


2. ودايما اسمع بالسوق العائم في بانكوك...فما المقصود فيه؟!

طيب استفسار ثاني..معليه تحملني..ممكن بس تعطيني اسامي المجمعات..الي تستاهل الواحد يروح لها..واذا كان عندهم اوتلت..يعني الماركات الاصليه بسعر رخيص..؟؟

• المجمعات كثيرة بعطيك ابرزها :

mbk
البلاتينيوم والمجمعات اللي تقابله
ذي مول بمنطقة بنكابي
فيوتشر بارك يعد اكبر مجمعات تايلند وهذا بعيد شوي ويصير بالقرب من ملاهي دريم ورلد يعني اذا رحتو الملاهي اتفقوا معاهم لما تخلصون يوديكم هذا المجمع.

مجمعات واسواق منطقة سيام التجارية

اما بالنسبة للاوتلت والله ما عندي اهتمام لها وما سالت عنها ومكانها في بانكوك من قبل بس يمكن تحصل محلات اصلية للماركات الرياضة في المجعات الغالية مثل سيام باراقون ،، في بوكيت شفت اوتلت هناك وعندك في بوكيت مجمع سنترال فيستفال في محل رياضة ماركات اصلية .
واحنه راح نسكن بأماري واتر جيت..شنهي المجمعات الي يمنه ونقدر نروح لها سيرا على الاقدام؟ وبالنسبه للمطاعم..شناكل؟

• اماري وتر جيت مكانه في قلب اسواق الباتونام يعني مشاهد الفندق مجمع البلاتينيوم وهو ممتاز واسعاره حلوة وفي مجمع اخر يبيع جملة اعتقد اسمه سيتي كومبليكس مقابل البلاتينيوم عموما المنطقة كلها اسواق وخاصة عند فندق البايوك سكاي وهو خلف فندقكم تروح له مشي ، اما الاكل عندك مجمع البلاتينيوم فوق في ركن مطاعم وفيه كنتاكي وغيره ،، او خذ لك تاكسي وروح شارع العرب السوكموفيت سوي 3 و 5 كلها مطاعم عربية وشوارما وغيره

وهل في شركات سياحيه نقدر نحجز منها..جنب الفندق؟

• المفروض فيه بس انا ما ركزت الصراحة لاني سكنت ليلتين في نفس الفندق لكن ما كنت احتاج مكاتب سياحية فما دورت ،، روح مكتب موسى البانكوكي في شارع العرب سوي 5 خوش مكتب.

ودايما اسمع بالسوق العائم في بانكوك...فما المقصود فيه؟!

• هو مكان تراثي نوعا ما وسوق بالنهر يعني تتسوق فيه وانت في قارب ويعتبر جولة سياحية ويباع فيه الفواكه والطعام والملابس و التحف وغيره لكن الناس اذواق وايد ناس قالوا ان ما يسوه والجو حار والبضاعة اغلى من الخارج و و و ،، انت براحتك تبي تجرب كيفك

الف الف شكر لك...ماقصرت...بيض الله وجهك....
والله يجعله في ميزان حسنااتك يارب...
اخر سؤالين...صدقني...
التذاكر من بوكيت لي كوالا قطعناها من البحرين...يبقى من بانكوك لي بوكت قلنا من اول مانوصل المطار....راح نقطعها من المطار..فهل هالتصرف سليم؟؟ واذا اي وين تصير مكاتبهم فالمطار؟
وبالنسبه للصرف..نصرف دولارات من هني...وهناك نشتري عملتهم..؟
تحياتي لك اخووي..

التذاكر من بوكيت لي كوالا قطعناها من البحرين...يبقى من بانكوك لي بوكت قلنا من اول مانوصل المطار....راح نقطعها من المطار..فهل هالتصرف سليم؟؟

• تصرف سليم طبعا اذا وصولكم بانكوك صباحا او ظهرا راح تحصلون خيارات طيارن كثيرة

واذا اي وين تصير مكاتبهم فالمطار؟

• مكاتب الطيران الداخلي في الطابق الرابع في المطار حسب ما اذكر روح ولف عليهم وشوف الارخص ،، وتاكد قبل الحجز رحلتك على اي مطار الجديد او القديم لان بعض الشركان رحلاتها على المطار القديم واذا ما كفى الوقت للوصول للمطار القديم تروح عليك رحلتك لان المسافة بينهم تقريبا ساعة.

وبالنسبه للصرف..نصرف دولارات من هني...وهناك نشتري عملتهم..؟

• شوف اصرف مبلغ بسيط في بلدك الى بات مثلا 100 دينار فقط لزوم الوصول وحجز التذكرة الداخلية اما باقي المبلغ اللي عندك صرفه كله دولارات وحول الى بات في تايلند طبعا لا تحول في المطار لان صرفهم ضعيف ،،

في البحرين عليك بصرافة موجودة في اللولو هايبر في الرفاع الشرقي صرفهم حلو للدولارت اعتقد اسمه صرافة الامارات او شي جذي ،، وطبعا دور كذا صراف يمكن يعطيك صرف اقوى واكثر