السلام عليكم
1- شكثر اقعد في بوكيت وشكثر اقعد في بانكوك ؟

• شوفي اختي مايميز بوكيت هو الجو الجميل والرحلات المتنوعه والجلسات على المقاهي المطله على البحر يعني من 5-7 ايام اشوفها زينه .

2 في بانكوك زوجي بيحجز ب انتركونتننال شلونه ؟

• فندق خمس نجوم ماعليه كلام

وهذا رابط له شوفيه بنفسج
http://www.asiarooms.com/thailand/bangkok/intercontinental.html
3- في بوكيت ايهو الاحسن هوليدي ان والا المريديان؟

• مايميز الهوليدي موقعه فهو قريب من كل شي وهو جميل انا شايفه بس ماسكنته واذا تبون تحجزون اخذو الغرف المطله على المسبح احلى

اما المريديان مايميزه انه مأخذ شاطئ له منعزل عن الباقي وهو جميل وافخم من الهوليدي ان
4- بالنسبه حق فندق بوكيت شنو في حواليه مطاعم كافيهات ممكن الواحد يتمشى والا بتاكسي ؟

• على حسب السكن يعني لو راح تسكنين الهوليدي ان ماراح تأخذون تأكسي لانه هو في قلب الباتونغ بيتش - ويمه ماكدونالدز -كنتاكي-ستاربكس وخلفه المجمع الجديد والمشي جميل فيها .

5- بالنسبه للاكل في مطاعم حلال في بوكيت و بانكوك ؟ ماكدونالدز ستاربكس ؟
المطاعم العربية منتشره فيهم كلهم
في بوكيت في اكثر من مطعم عربي جميل منهم المطعم دبي ومطعم المصري انا افضل الاول
كنتاكي مكتوب عليه حلال على ذمتهم .
واذا في اي استفسار انا حاضر

مشكور اخوي عالمعلومات وهم بانتظار راي البقيه
وسؤال جديد تقترحون علينا البيات ببانكوك والسفر ثاني وم حق بوكيت ؟ انا اكرهه الطياره وجبدي تقلب من المطبات الهوائيه واتعب من السفر الطويل هل اريح احسن والا اكمل ؟
وهم سؤال جديد في احد سافر عالكويتيه ؟ احتمال نروح على رجال الاعمال بس مو اكيد شرايكم

sa7ab_q8t
مرحبا إختي ..
أنا أقترح إنكم تكملون على طول لأنج دامج إنتي مسافرة مسافرة ف كملي أحسن ... وأحسن من بهذلة المطارات رايحة ورادة ..
وبالنسبة للكويتية الجي كلاس ممتاز وماراح تحسين بتعب الرحلة ... صحيح الكويتية مو المسنوى المطلوب لكنها زينه وخدمة حلوة وكافي إنها تطير من الكويت وتخفف عليج الترانزيت في أي مطار ثاني

ماكدونالدز مو حلال عندهم ...اذكر كنا عايشين على بيتزا كمبني.. بيتزا مارجريتا وسلطه وقارلك برد وبطاطس والحمدلله.>ماتلاحظين اني سردت المنيو كله؟
والبحري طبعا يم يم ,,,, وفيه ستار بكس هناك كثير
ولاتفوتين شوربه توم يام مره لذيذه

مشكورين عالمعلومات
وبنتظار البقيه ومزيد من الاقتراحات

والله على راحتكم
بس لو تكملون احسن
الكويتيه افضل مافيها انها دايركت فقط
اما الباقي صفر

1. لا تحاتين تايلند كل شي فيها سهاله وان شاء الله راح تستانسون


2. 1- شكثر اقعد في بوكيت وشكثر اقعد في باكوك


3. 2 في بانكوك زوجي بيحجز ب انتركونتننال شلونه ؟


4. 3- في بوكيت ايهو الاحسن هوليدي ان والا المريديان؟

توقيت ممتاز ورحله موفقه ان شاء الله
بصراحه هذي اول سفره لي حق تايلند انا وزوجي وناوين نروح اسبوع بوكي وبانكوك

لا تحاتين تايلند كل شي فيها سهاله وان شاء الله راح تستانسون

1- شكثر اقعد في بوكيت وشكثر اقعد في باكوك

نصيحه لا تضيعين وقتج في بانكوك اذا كنتي رايحه سياحه ودزوه على طول بوكيت لانه سبوع شويه على بوكيت وكثروا من الرحلات البحريه شي خيالي واغلى رحله تكلفج 15 دينار محفوله مكفوله من الصبح ليما المغرب وطبعا لا تفوتون عرض البوكيت فانتاسي شي خيالي

2 في بانكوك زوجي بيحجز ب انتركونتننال شلونه ؟

لو ملزمين على بانكوك حاولوا تسكنون فندق قريب يم منطقة ناناي بشارع سوكومفيت سيو 3 ( منطقة العرب ) علشان ما يضيق خلقج ويكون السوق والمطاعم العربيه والبخور وجناط بو طقه كلهم تحتج بس لبسي وانتي بكرامه جوتي رياضه لانج بتهلكين من المشي

3- في بوكيت ايهو الاحسن هوليدي ان والا المريديان؟

طبعا الهوليدي ان وروحي وما ياج علي فندق حيل حلو كل شي يمج مطاعم عربيه بالشارع اللي وراج وبينج وبين البحر شارع وفيه مطعم سي فود حيل حلو وهادي واكله لذيذ اذا تحبون الزفره وسعره ممتاز الغرفه الدبل 20 دينار واللي تطل على المسبح اعتقد ما تتجاوز ال30 وحجزي من المكاتب اللي بمطار بوكيت حيل ارخص من مكاتب الكويت في وحده بطه اسمها ( اوم ) ويها كدر اول ما تطلعين من الجمارك مالت مطار بوكيت تشوفين سطرت مكاتب جدامج اهي ثالث واحد اعتقد كاسريها بالسعر ترا كلكجيه ممكن تنزلين 30% من السعر اللي تقوله لج او شي و بالنسبه لبانكوك مكاتب المطار حراميه وغالين وايد ونفسيه وسعرهم نفس سعر مكاتب الكويت مافي فرق
4- بالنسبه حق فندق بوكيت شنو في حواليه مطاعم كافيهات ممكن الواحد يتمشى والا بتاكسي ؟
افضل شي تأجرون سياره جيب سوزوكي او رانجلر كشف على 5 دنانير الله يديم الرخص وتاخذون الخريطه معاكم وقزز لانه فعلا متعه حرام تطوفونها وبوكيت صغيره ما راح تضيعون فيها وممكن زوجج يسوق بالليسن الكويتي مو شرط انترناشونال والشوارع زينه ومرتبه بس السكان يمين عكسنا مو يقزرها رونق سايد نفس واحد اعرفه اما المطاعم والكافيها كلهم يمج ولا سياره ولا قاري ركبي باص 11
5- بالنسبه للاكل في مطاعم حلال في بوكيت و بانكوك ؟ ماكدونالدز ستاربكس ؟
ستار بكس شكو حلال والا حرام اقصاه كرواسون وتشيز كيك وقهوه وموكافربتشينو !!!
ماكدولندز اللي بالباتونق اعتقد حلال ان شاء الله ولكن زيادة بالحرص سألي الكاشير بيتزا كامباني عندهم لحم خنزير بصراحه لما قريته بالمنيو قلت شالله حادني المطاعم تارسه المكان وما كليت فيه على العموم الدياي كله حلال ان شاء الله لانه اللي يبيعون الدياي المذبوح كلهم مسلمين او بالاصح هذي صنعتهم اهناك فلاتحاتين والمطاعم العربيه وايد ولكنها غاليه شويه
وموفقه خير

حيرتوني
احنا السفره كلها على بعض اسبوع
زوجي يقوللي نريح مانروح دايركت ممكن نوصل 11 الصبح واذا بنروح دايركت مانبات في بانكوك ترانزيت ونقله من مكان لي مكان فيها نطره 3 ساعات وساعتين حق بانكوك مادري كلامه صح والا لا
وبخصوص الكويتيه اهوا عنده اميال ويبي يحولها حق درجه رجال الاعمال والا مو من حلاة الكويتيه
و بالنسبه حق بوكيت اهوا يقول مريديان حق الرحلات احسن واضبط وطلعاتهم بروحهم ومنظمين بدال ما يفترون على فندق فندق لقطون سواح مادري عدل هالكلام والا لا ؟
وبخصوص تاجير سياره ماعتقد راح يسويها اخاف يصير فيه نفس بعض الناس
وبالنسبه حق حجز الفنادق اهوا يحب يحجز من هني بالانترنت قبل مايروح مايحب يروح ويتوهق صارت فينا وايد
واكلهم اكيد الدياي حلال ؟؟؟ انا مو اكيلة سمج وشنو في مطاعن تنصحونا فيها ؟
ولو بقعد في بوكيت 4 ايام وين ممكن اروح وانا من عشاق السوق عشان جذي ودي اروح بانكوك ف هل يومين كفايه عالسوق والا 3 ايام وانا مو من النوع احب سوالف التقليد والمطاعم اللي شكلها مايشوق اقط فلوس بمكان راقي ولا اروح مطاعم مو ليهناك ف وين تنصحوني في بانكوك وبوكيت
ادري ازعجتكم بس هم عشان نستفيد
مشكورين

1. ممتاز


2. شوفي ابوي بانكوك بالضبط بالضبط نفس الجليب ;)

ممتاز

شوفي ابوي بانكوك بالضبط بالضبط نفس الجليب ;)

بزحمتها وخنقتها وشوارعها فيها منتزهات وبالمنتدى مذكور كل شي ولكن بوكيت فعلا جنه واللي احلى منها كوساموي ولكن خلينا على بوكيت الكويتيه فعلا توصل الساعه 11 الصبح بتوقيتهم ومن الكويت لي بانكوك 6 ساعات يمديج تشبعين نوم بمجرد ما تنزلين المطار اخذو قشكم وروحو المطار الداخلي في كل نص ساعه طياره تروح بوكيت يعني الموضوع حيل سهاله وحتى لو قعدتوا ساعتين او ثلاث بالمطار فمافي مشاكل سوق حره ومطاعم ومقاهي تارسه المطار تقزر يعني في بوكيت سكنوا بالباتونق بيتش اذا تبون اسواق ومطاعم عربيه وستاربكس وهالسوالف وبهالمكان مافي بيوت كله فنادق وكل فندق يقول الزين عندي ومسألة الحجز اسهل مما تتصورين وارخص من النت لان النت الحين حاط اسعار الهاي سيزن صلخ على الفاضي قلت لج من مطار بوكيت تحجزين وتكاسرين بالسعر على كيفج وامورج كلها تمام والميزه الحلوه ان اذا ما عجبج الفندق تغيرينه على طول وتتفقين مع المكتب على جذي والموضوع هذا حيل ايزي , اما بالنسبه لموضوع الباص اللي يلف كلهم ترا يلفون على الفنادق بس ممكن تشرطين على المكتب اللي تحجزين منه الرحله يمرج اخر شي بعد ما يفتر على القروب اللي معاكم وعلى العموم تلقين القروب كله فنادقهم يمكن يعني ما مافيها السوالفه مشاوير ونطره بالنسبه للسوق اذا ما تبين جناط ام طقه فعندج سوق الداون تاون مال بوكيت روعه وفي كل الماركات لكن دوري المحلات اللي مسويه تنزيلات ولو ان الفتره هذي مو فترة تنزيلات لكن على العموم الماركات اللي تنصنع بتايلند راح تلقينها ارخص بنسبة 20% من اللي عندنا اما الماركات المستورده اسعارها موحده , المطاعم العربيه نظيفه واكلها حلو احتمال حتى مموش تلقين اهناك مافي مشاكل يعني من هالناحيه لا تحاتين ولكن الدياي انا ما احط بذمتي اي شي لازم تسألين حتى لو مطعم وجبات سريعه هم سألي الحرص زين
واي شي حاضرين ترا قاعد ماكو شغل
وجان تاخذوني معاكم انا رايح الخميس الياي بس الفندق على حسابكم اصير مرشدكم ;)