يعطيك العافيه اخوي صالح . شهر سبتمبر الجو معتدل الظهر حار وبالليل حلو بس مو بارد . والمناطق لو تقعدون ليله في بانكوك للراحه في فندق arnoma مكانه في وسط الاسواق والمجمعات وسعره مناسب جدا . وعندك من ثاني يوم تروحون جزىرة بوكيت لو تحب البحر والرحلات وفيها اماكن حلوه . او تروح شانغ ماي مكان هادئ مع العائله الكريمه .

تسلم أخوي حسن ما قصرت .. بصراحة أنا سمعت ان شهر سبتمبر الجو يكون مطر .. وهالشي مخوفني .. وخايف ان المطر يخرب علينا سفرتنا .. وخصوصا ان معي طفلة عمرها تقريبا سنة ..
تسلم مرة ثانية ..

جو تايلند بشكل عام وطوال السنة ماتعرفله عادي يكون الجو مشمس بالنهار وبالليل مطر ..
مدتك اسبوعين ممتازة ممكن تقسمها كالتالي
اول ليلة في بانكوك للراحة من عناء السفر
اربع ليالي شنغماي
خمس ليالي بوكيت
3 ليالي بانكوك
واي استفسار احنا موجودين وبالخدمة .. تحياتي

أخوي Q8hunter تسلم يالغالي ما قصرت ..
كيف السفر من بانكوك إلى شنغماي ومن ثم الى بوكيت .. يكون بالطيارة؟
طيب اسمع عن باتايا وباتونج .. شرايكم بهالاماكن ؟ مناسبة للعائلات ؟ فيها أماكن طبيعيه؟

التنقل يكون عن طريق الطيران الداخلي ، اير اسيا و الطيران التايلندي هم الافضل .
بتايا لاتناسب العائلات .
الباتونج هو اهم شاطء في جزيرة بوكيت ، واهم الفنادق في الباتونج بيتش :

• الهوليدي ان
• الملينيوم
• the kee
• بوراساري
• تارا باتونق
• بان لاماي

Saleh Ak
أخطط للسفر إن شاء الله إلى تايلاند خلال شهر سبتمبر المقبل تحديدا في 8 سبتمبر ولمدة أسبوعين تقريبا .. سأسافر أنا وزوجتي وبنتي طفلة عمرها أقل من السنة بقليل .. إذا ممكن نت الأخوة أصحاب الخبرة في السفر إلى تايلاند أن ينصحوني .. كيف الطقس في هالفتره؟ .. هل مناسب للسفر ؟ طيب وشو بالنسبة للمدن الي نزورها ؟ وكيف يكون ترتيب زيارتنا للمدن ..
الرجاء تقديم النصيحة لي ..
وشكرا لكم جميعا
وعليكم السلام اخوي صالح واتمني لك رحلة موفقة وسعيدة ان شاء الله
بالنسبة لتايلند جوها واحد لا يتغير طول السنة يصلح لها الملابس الخفيفه
وبالنسبة للسفر تصلح في اي وقت بتايلند بس تفرق معاك في اي فترة الهاي سيزون ( 1-11 لغاية 15-4 تقريبا ) وباقي الاشهر لو سيزون .
افضل مدن في تايلند ( بانكوك - جزيرة بوكت - شنغ ماي ) .
ترتيب الرحلة 14 يوم
4 ايام شنغ ماي ( فندق d2 او فندق شانغريلا )
6 ايام بوكت فندق الهوليدي ان او فندق ملينيوم
واذا تبي فندق مع مسبح خاص يصلح لك منتجع ماليسا
4 ايام بانكوك للتسوق فندق ( لاندمارك او نوفيتيل سيام او زينث او جي دبليو ماريوت او الانتر )
اخوك عبدالله الكويتي

أخوي Q8hunter .. كفيت وفيت

أخوي عبدالله الكويتي .. اسمحللي اقولك "انت فنان"

يعني الملاحظ ان في إجماع على ان الطقس في سبتمبر مناسب للسفر ..