- اول شي هالطريقة للناس اللي طالعين دراسة يعني فيزا دراسية مع المرافقين
- الطلبات :
انا بصراحه استفدت من هذا الموقع الكثير
ولاحظت انه كل شخص يخلص اموره سواء دراسة او سياحة او غيرة ... خلاص ينسى ومايعطي الناس اللي بعده الطريقة للفايدة ...
على العموم انا ماراح اطول وابدا بموضوع استخراج الفيزا البريطانية اللي شفت انه ناس كثير شايفين الموضوع جدا صعب وامورهم متلخبطه لهذا السبب
اول شي هالطريقة للناس اللي طالعين دراسة يعني فيزا دراسية مع المرافقين
الطلبات :
1- الحصول على النموذج رقم ( VAF3 ) ( student form ) بخصوص اللي ناوي يدرس يعبي هذا النموذج والمرافق كمان نفس النموذج بس الاختلاف انه في اول سوال بالنموذج تحط خيار dependant وهى معناها مرافق وتكمل النموذج عادي جدا مع وجود صور شخصية مقاس 3*4 ملونه .
2- ملاحظه في النموذج انه يكون عنوان المرافق ببريطانيا وبالسعودية نفس العناوين بالنسبة لفيزا الطالب وغالبا نحط عنوان الجامعة ببريطانيا كعنوان سكن .
3- ارفاق قبول الجامعه او معهد اللغة ولاحظت ان الايميل غير مقبول عندهم ولازم يكون القبول عن طريق خطاب مذكور فيه اسم الطالب والفترة ونوع الدراسة ومدتها ومبلغها .. والجامعات غالبا ترسل على الايميل خطاب بصيغة اكروبات ريدر وهذا مقبول عندهم .. واذا سالكم من وين قولوا بالفاكس وصل عندنا .
4- طبعا لازم نرفق لهم كمان خطاب الضمان المالي الخاص بالطالب اذا كان على حساب وزارة او جهة عمل وراح يقولون نبي الاصل لكن انت سوي سكان scan للخطاب بالالوان راح يقبلونه منك .
5- صورة من الجواز للطالب والمرافقين . مع تسليم الاصل لهم لعمل التاشيرة . واخذ ريسيت فيه رقم الجواز لكل شخص ومبلغ التاشيرة وهى 790 ريال عن كل شخص للمراجعة بعدين بالرقم الموجود فيه لاستلام الجوازات .
6- بالنسبه للمرافق وخصوصا اذا كان زوج او اخ ضروري كشف حساب من البنك وانا سحبت كشف حساب لمدة 6 اشهر وكمان اضفت كشف حساب لبطاقات الائتمان وخطاب تعريف من العمل باللغة الانجليزية .
مع ملاحظة انه في نموذج الفيزا بالنسبة للمرافق مكتوب هل هناك اي موارد او دخل اضافي يستحسن كتابة موارد دخل اضافية مثل تجارة سيارات تاجير عقارات تجارة الاسهم للمساعدة لقبول طلبك وانك مقتدر ماديا .
7- بالنسبة للخادمة النموذج المطلوب يختلف وسعر التاشيرة عليه 1600 ريال سعودي VAF 2 Employment ولازم هناك شروط للخادمة وهى كالتالي :
- عقد بينك وبينها يوضح فيه شروط العمل والاجازات وغيره وانا سويت شي مقارب لنظام العمل والعمال عندنا واذا احد حاب ياخذ نسخه ماعندي مانع اعطيه ولازم يكون مترجم باللغة الانجليزية وفيه توقيع الطرفين على شروط العقد ومن نسختين العقد واحدة لك والثانيه معاها وترفق للسفارة صورة او اساس العقد .
- تاشيرة خروج وعودة لمدة لا تقل عن ستة اشهر .
- يكون مر عليها عندك بالعمل اكثر من سنه وهذا يوضحه صورة الاقامة واذا تبي تدعم طلبك حط برنت الجوازات للي ماطلع اقامة لها الا متاخر وهى عنده لها اكثر من سنه .
- نصيحة لا تحاول تكلم مكتب التاشيرات على كل شغله تسويها لانه كل يوم راح تلقى طلب اضافي جديد والواضح انهم لسه ماعندهم روية واضحة وخبرة كافية لشروط السفارة البريطانية رغم ان تعامل المكتب قمة بالرقي والاخلاق والذوق والتساهل فعلا ناس تستاهل كل خير .
- طبعا الواحد لو شاف النموذج حق الفيزا راح يتضايق جدا تقريبا 16 صفحة لكل واحد بس ماعليكم ترا كلها سهلة ونصها مايبي لها الا علامة اكس بس واللي من جدة انا اقدر ادلكم على مكتب يعبي البيانات لكم وانتم واقفين وناس متخصصة فعلا وحافظين النموذج حفظ .
هذا تقريبا كل اللي اقدر احطه للفايدة للجميع ... اعرف الموضوع مكرر ولكن حاولت ارتب الافكار بقدر المستطاع ... وفالكم التوفيق
ملاحظة كل النماذج موجوده على موقع السفارة بالانترنت ويمكن طباعتها من هناك وللاهمية لازم تجيب مبلغ التاشيرات كاش اريح لك مع العلم انه ماتم طلب مني حجز تذاكر او مايثبت ذلك او سكن او خلافه .
كل النماذج موجوده في هذا العنوان
http://vfs-uk-sa.com/applicationform.aspx
دمتم بود
اخوكم اثير نجد
يعطيك العافية ياارب و جعل الله هذا في ميزان حسناتك ..
وهذا موغريب على الأعضاء في مساعدة أخوتهم فألف شكر لك يااخوي ..
وجميعنا مستفيدين من هذه المواضيع وخاصة المتعلقة بالفيزا
مااننحرم من جديدك يااخوي ..
ودمت بكل ود ..