هلا أخوي
كم المسافة من حفر الباطن للكويت بالضبط بالسيارة ولا ناخذ طيارة افضل؟
السيارة أفضل لأنك قريب والمسافة ماتسوى حوالي 240 كيلو من حفر الباطن لمدينة الكويت ( من حفر الباطن للحدود 100 كيلو ومن الحدود لمدينة الكويت 140 كيلو )
الشغالة لازم نفيز لها ولا تدخل بجوازها ؟
الشغالة لازم تسوي لها تأشيرة خروج وعودة من أقرب مركز جوازات يختص بأمور الأيدي العاملة ، وأقل مدة هي شهر واحد
وبالنسبة للفيزة تقدر تاخذها من مركز الحدود في الجانب الكويتي ( طبعا مع دفع رسوم )
ابي مكان يكون قرين من الشاطي والاسواق الجديدة مناسب للصغار.
بالنسبة للسكن أنصحك بمنطقة السالمية لأنها قريبة من البحر والأسواق والأبراج والديرة
بالنسبة للشقق عندك مارينا رويال سمعت ان اسعارهم معقولة خصوصا بعد فبراير
وبالنسبة للفنادق عندك الهوليدي ان روعة واسعاره شوي غالية وطبعا يشمله الفطور
كل المكانين في السالمية
وش ترشحون من شقق فندقية نظيفة جدا؟
بصراحة ماعندي فكرة بس شوف مارينا رويال شكله حلو ورخيص حسب ما سمعت
ومطاعم بوفيه اسعارها معقولة واكلها لذيذ؟
فيه شارع عندهم اسمه شارع المطاعم فيه كل شيء ان شاء الله تحصل اللي تبيه هناك

مسافر لوين
بالنسبه للخادمه اخي الغالي خذها نصيحه
خذها من اي مكتب تاشيرات ارخص واحسن تروح وانت متطمن
يعني بالجوازات تصوير وبصمه ومرات الموظف يكون مو موجود
وتقعد تنتظره
نصيحه ريح بالك وقط فلوسك بالشمس واقعد بالضلال
ترا من الجوزات يكون الطوابع اغلي من المكاتب
تحياتي

السلام عليكم
1-هل الطريق من حفر الباطن الى الحدود الكويتية سريع؟
2- هل الطريق من داخل الحدود الكويتية الى العاصمة الكويتية طريق سريع؟
والله يوفقكم ويرعاكم

تم قبل شهر افتتاح طريق السريع بين حفرالباطن ومنفذ الرقعي بمسافة 100 كيلو
واي استفسار من حفرالباطن انا حاضر
لكم تحياتي