ماقصرت ياذيبان موضوع مهم للمسافرين على هذا الخط ....
والخط حلو ومريح ان شاء الله للجميع ...
حاليا في شويه تزبيطات على الخط وهناك بعض التحويلات الي راح تقابلها على طريقك ...
السرعة نصيحة لا احد يسرع على هالخط الطريق مليان فعلا دوريات ورادرات وبكثرة ...
تحياتي ...

الله يعطيك العافيه
على الصور اللى تتكلم عن نفسها

واصل يالذيب بارك الله فيك على هذا التقرير

ماشاء الله ....مبدع يالذيب الشمالي
طيب انا من قبل سافرت عن طريق الاحساء وذهبت الى طريق الدمام النعيريه من ثم حفر الباطن من ثم الى القريات
مادري عزيزي وش تنصحني اذا بنطلق من الاحساء اروح طريق الرياض او طريق الدمام؟؟؟

( القصيم _ حائل )

انتبهوا لهذي اللوحة
لأن الطريق بعدها مقفل وعنده تحويلة

هذي تحويلة بمدخل حائل

يمين
هذا الطريق يكون مثل الحزام او الدائري على المدينة
ويختصر على المسافرين الدخول للمدينة وزحمة الإشارات
بس هالطريق فيه عيب وخاصة لمن يبحث عن مطاعم راقية او معروفة
ان المطاعم اللي بالمحطات قدام عادية ويمكن ما تناسب العوائل
انا ما دخلتها لكن منظرها من برا ما يشجع

من هنا تجد تقريبآ اربع او خمس محطات
اختر اي محطة عبي بنزين وخذ منها ما تحتاجه من ماء وغيره
المهم انك ما تمسك الطريق السريع إلا وانت مفلل
نوم
بنزين
ماء

هاللوحة توصلك لطريق الجوف السريع

( حائل _ الجوف )
من هنا يبدأ الطريق السريع

وهذي اول لوحة على الطريق
وارجع واقول ما قدامك ولا محطة
لذلك لا تتعدى هاللوحة وتمسك الطريق إلا وانت معبي ومفلل
فيه بقرية جبة بعد تقرييآ 70 كلم يمكن اكثر او اقل يقولون انه فيها محطة وفيها مركز امن طرق
وفيه بقرية العليم بعد مسافة ناسي كم تجي لوحتها على اليمين بس انها 10 كلم داخل
واظن طريقها ردمية ما هو مزفلت

لا تنسون البنزين

تدرون وش هذي
بقالة البادية
والله وزارة المواصلات انكم فشلتونا قدام العربان
طريق سريع دولي ما عليه ولا محطة
بس يا شباب اسمعوا تراني ماني مسؤول اذا جيتوا بأوقات ما هي مناسبة
ولقيتوا البقالة عفوآ هالهايبر او السنتر مقفل

وانتبهوا من هالجمال لأنه وللأسف الطريق ما عليه شبك إلا في بدايته وتقريبآ بنهايته

شكلكم تعبتوا
خلاص وصلنا

وعند هاللوحة تكون وصلت ووقفت عند نهاية طريق حائل الجوف
ويبدأ معك طريق طبرجل القريات

الطريق من الرياض إلى مفرق الجوف
0كلم
وبالممشى العادي والسرعة القانونية يعني 120
بعد حفظ وتوفيق الله سبحانه يبيلك تقريبآ 10 ساعات إلا ربع وقت للوصول

( الحديثة )

ولجميع المسافرين على هذا الطريق وغيره واين ما كانت وجهتهم نقول لهم كما تقول وزارة النقل

ودمتم سالمين

النورس العربي
وإياك