- حنا رحنا مع السريع احسن وافضل لنا
- واتفقنا انه يوصلنا 70 يورو
رحلتي الى اسبانيا وتحديداً الى ماربيا
سوف اذكر لكم رحلتي من الألف الى الياء وبكتب لكم بالعاميه علشان اخذ راحتي في طرح الموضوع
إجازتي كانت 40 يوم ابتداء من تاريخ 27_7_2005 وكانت شامله لدول التالية :
مصر ( القاهره ) و أسبانيا ( ماربيا ) و فرنسا ( باريس ) وان شاء الله راح احط في كل قسم صور وكل شي
صار معي في رحلتي ..
التأشيرة ومتطلباتها
1_عدد صورتين ملونه بدون شماغ
2_ تعريف عمل أنجليزي
3_ كشف حساب لمدة ست شهور أنجليزي
4_ تذكرة طيران ذهاب وعودة مؤكده
5_ حجز فندق ( سكن )
6_ تأمين طبي
7_ مبلغ 160 ريال لسفارة الايطاليه
8_ نموذج طلب التأشيرة الخاص بسفارة
اخذت التأشيرة عشر أيام وبعدين خلصت من السفارة
اول اجازتي كنت في القاهره وكنت رايح لها بسيارة وكانت رحلة موفقه بس فيها بعض القلق بذكرها
بعدين المهم كنت راجع من القاهره الى الغردقة ( خط ) بسيارة BMW 745 ومن الغردقة الى ضبا عن طريق
العبارة المهم كنت حاجز من تبوك الى الرياض في تاريخ 17_8_2005 الساعة 10 صباحاً ورحلتي من الرياض
الى أسباينا ( ملقا ) في نفس اليوم الساعة 10 مساء على الخطوط السعودية
اللى صار تأخرت انا على رحلة تبوك اللى رايحه لرياض وفاتتني الرحلة وقوالو لى ان فيه رحلة ثانية
الساعة 1 الظهر والساعة 12 الليل بس كلها ( فول ) المهم انا وياهم طقاق ونفوسهم مشاء الله زينه :thumbdown
قلت لهم ابغى حجز ولازم اروح الرياض عندي رحلة الى ملقا اليوم المساء يقولون المقاعد ( فول ) فول ولا تميس
دبرنا يا ابن الحلال يقول انتظر وعلى فكره السياحي مافيه مجال واضطريت انى احجز على الاولى وادفع الفرق
وكان الفرق 500 ريال دفعتها وكان انتظار وبعد نص ساعة الحمدلله تأكد وقلت اخيراً اودعهم :36_1_39:
يوم جت الساعة 1 الظهر موعد الرحلة اذاعوا ان الرحلة بتتأخر الى 4 العصر :112: وشذا الحظ الشين
وزيدكم من الشعر بيت الرحلة كانت من تبوك الى حائل ومن حائل الى الرياض من زين الرحلة وكنت شايل
هم سفرتي اللى في المساء لا اتأخر عليها
وكل شوي اشرب شاهي ومره كوفي من الطفش وجوالى بدا ينتهي شحنه يعنى الاخلاق :36_1_28: مدحدرة
اللى صار جت الساعة 4 والحمدلله مشينا وركبت الطيارة ورحنا الى حائل وانتظرانا في المطار نص ساعة ثم
مشينا لرياض واول مره اشتاق لرياض في حياتي مهوب حب فيها بس علشان اروح لرحلة الثانية
وصلت المطار الساعة 6 ونص وادق على خويي اللى بيروح معي لقيته في بيتهم قلت له بجيك البيت لازم اتحمم
واغير ملابسي وبعدين نرجع للمطار مره ثانيه قال اخاف نتاخر وتقطعنا مافيه وقت قلت الا اصبر يا رجال
ان شاء الله فيه وقت .. واركب مع تاكسي ابو هنود وقلت له ابغاك مثل ( قرانديزر ) توديني بيت صديقي
ووصفت له الحي وهو مشاء الله كنه ماجيلان أسرع ووصلني بسرعه وصلت عند صديقي وتحممت
وغيرت ملابسي وعلى طول سكرت الشنطه مره ثانيه وركبنا مع تاكسي ثاني يرجعنا للمطار مع ان كان فيه
سواق صديقي بس مافيه وقت ووقتها كنا مخروشين ولا نبغى احد يدري اننا بنروح وانا ما ابغى احد يدري انى
في الرياض .
وصلنا مطار الرياض وركبنا الطيارة اللى متجهة الى مطار أسبانيا ( ملقا ) وكان خط السير :
من الرياض _ جدة _ نيس _ ملقا مع ملاحظة انى تعبان من امس مانمت ورحلة تبوك وحائل هذاك اليوم حفظت
كل تعليمات الطيارة وحركات المضيفين من كثر ما اهبط واقلع :3:
طلعنا من المطار وعطيت صاحب تاكسي عنوان الفندق اللى في ماربيا وكان اسمه
Hotel Plaza Suites
صاحب التاكسي قال لنا فيه طريقين الى ماربيا فيه الطريق السريع ( مثل الدائري ) :119:
عندنا سعره ب 70 يورو .. ولا فيه طريق مثل خريص :3: اقل ب 55 يورو بس يقول زحمة وبطئ
حنا رحنا مع السريع احسن وافضل لنا
واتفقنا انه يوصلنا 70 يورو
وهذي صورة تاكسي كان قدامنا وصورتة وحنا في الطريق
وهذي صورة التاكسي اللى حنا راكبين معه ولا تفوتكم صورة الشنطة راكبه قدام وانا وخويي ورا
وهذي صورة من الطريق وحنا في اتجاه ماربيا
وصلنا بسلامة الفندق وعلى طول عطونا ارسبشن خريطة
تذاكر الرحلة كانت على النحو التالى :
من الرياض الى ملقا ومن باريس الى الرياض على الخطوط السعودية ومن ملقا الى باريس كانت على الخطوط
الفرنسيه درجة أولى وكانت فعلاً ممتازه والسعر الاجمالى لتذاكر 6300 ريال من مكتب الفرسان
موقعه في الرياض على طريق الملك فهد قبل ( المملكة )
كانت الرحلة ترانزيت من الرياض الى جده وكان وقت الانتظار فيها ساعة :frown: بس والله راحت بسرعة مع
السواليف والضحك والنصب مع خويي كل واحد ينصب على الثاني بعدين رحنا الى نيس وكان وقت الانتظار فيها نصف ساعة وقتها كان الجو في نيس غيم :8888: ورايق بعدين رحنا الى ملقا ..
يتبع
الفندق كان أربع نجوم
وهذي صورة الفندق اللى سكنت فيه
وهذي صورة ثانية من الجنب
وهذي صورة ارسبشن 
والصورة هذي من قدام الباب حق الفندق 
صورة جانبيه
يتبع