اخوي شهاب الطريق تستمر بعد دخولك الحدود السعوديه الدمام الخبر بعدين جسر الملك فهد البحرين

الله يعينك عزيزي
الطريق مزعج جدا جدا
للاسف السعودية ما مدت طريق ساحلي علشان كذا حتتعب كثير وانتا رايح الهفوف ثم على السريع للخبر والبحرين يعني بالعربي إضافة مالا يقل عن 200 كيلو على ظهرك مشوار
وبصراحة لازلت مستغرب السعودية ما مدت طريق ساحلي الى يومك؟
عموما الوصف الدقيق:
بعد ما تعطي الغويفات يجيك منفذ البطحا تعديه يجيك محطات على يمينك اطلع سيدا على طول رايح لقطر والهفوف لان فيه مفرق يسار يوديك خريص والرياض ومكة
المهم بعد 150 كيلو تقريبا يجيك منفذ سلوى الحدودي على قطر يمين انتا طبعا تاخذ يسار للهفوف = الحسا
والله يعينك على الطريق هذا قلق مرة
تريلات وزحمة وغبار وغثا
المهم لما توصل الهفوف مو لازم تدخل الديرة انتا ومزاجك تقدر تفر من حولها لان يجيك مفرق قبل الديرة تبغا تخش والا تطلع شمال لسعد والدمام والرياض والطريق السريع أو عن طريق بقيق
عموما في الحالتين لو دخلت الديرة او ما دخلت مصيرك بتدل طريقك لان فيه اشارات ولوحات واضحة وكمان العالم ما تقصر معاك بالتوصيف
من الهفوف للخط السريع مشوار يعني لو حسبت من منفذ قطر للهفوف تقريبا 170 كيلو ومن الهفوف للسريع 200 كيلو تقريبا
وعن طريق ابقيق اقصر لكن يمط لك طريق قديم بعدها
المهم لو فرضنا رحت على السريع تحتاج حدود 150 كيلو اضافية علشان توصل الخبر ومنها طبعا تلقا الامر واضح قدامك العلامات والارشادات لجسر الملك فهد
ومن الجسر ادفع الدراهم للعبور
ثم المنفذ السعودي ثم البحريني
وصلت بالسلامة
والله يستر عليك
وان شاء الله لما السعودية توزن الموضوعوتمد طريق ساحلي تكون الامور افضل بكثير
او ان شاء الله قطر يمكن تمد من عندها جسر للامارات ومنها للبحرين وتختصر على اخواننا الاماراتيين المشوار
وبالتوفيق

كل دولة لها حساباتها فمثلا شق طريق مكلف لابد ان يكون مردوده اكبر من انشاءه وهذا يدل على حجم التجارة البينية
الضعيف بين دول مجلس التعاون ...