صبحكم الله بالخير "يالعمال العماليه"..
عودتونا على إجابة الاستفسارات ولا لنا عنكم غناة..
عندي استفسار "طربي" .. انا احب الطرب .. وخاصة البحري .. مع اني من الرياض
ابحث عن الايقاعات "المراويس" البحرية .. ام وجهين .. عرفتوها؟
الحقيقه اني وصيت اكثر من واحد من الشباب فيهم اللي سفطني "لبسني" وفيهم اللي دور ولا لقى احد يدله على أماكنها في الكويت ..
فأنا - بإذن الله - رايح أو جاي للكويت الاسبوع الجاي
وراح ابحث بنفسي عن:
المراويس ام وجهين .. "مو البنقز"
واشرطة صوت بحري ل محمد الفهد
ومنوعات طربيه ..
ولو احصل حفله او سمرة أو "كيف" .. ما في مشكله نحضر ونوسع صدورنا
فلو تكرمتوا اللي يعرف وين القاها بالكويت يعلمني الخبر الأكيد .. ولو يعطيني الاحداثيات ادخلها بالجهاز واروح احسن بعد .. لي مده ما زرت الكويت والذاكره مسويلها فورمات
واللي يامر شي من الرياض بعد يعلمني
وكيف الأجواء عندكم؟ اجيب صيفي ولا شتوي؟
تحياتي لكم وانتظر ردكم