فارس الهيجا
29-10-2022 - 06:26 am
السلام عليكم
أخواني تكملنا في هالمنتدى عن كل الأمور من كيفية استخراج الفيزا وتذاكر السفر وحجوزات السكن والأماكن السياحية وغيرها وغيرها اللي تسعدنا ان شاء الله في سفرتنا ، بس فيه شي وحيد ومهم نسينا نتكلم فيه وهو عن اتجاه القبله في الوجهات اللي راح نروح لها في هالصيف ان شاء الله
انا ناوي آخذ بوصلة معاي في السفر لمعرفة اجاه القبله وقت الصلاة
سؤالي المحدد هو /
في مدن .. ميونخ ، سالزبورق ، زيلامسي ، انترلاكن ، باريس
كم ارقام اتجاهات القبلة علشان الواحد في السفر يرضي نفسه ويرضي ربه
انتظر ردودكم
اخوي فارس انا رجعت للبوصلة اللي معاي وهي مزودة بكتيب خاص بارقام للدول معينه وهي كالتالي :
النمسا مدينة فيينا رقم 24
المانيا الغربية مدن بون ، ميونيخ وغيرهما رقم 25
سويسرا مدينة بيرن رقم 25
فرنسا مدينة باريس وغيرها من مدن رقم 26 ماعدا مدينة بوردو وضواحيها فهي رقم 27
حسب تصنيف اللي ذكرته فان سالزبرج وزيلامسي وانترلاكن يدخلوا تحت رقم 25 الخاص بميونيخ وسويسرا.
ملاحظه هامه الارقام اللي ذكرتها خاصة بالبوصلة اللي عندي يعني لازم تتاكد من انها صحيحه ..
عموما حاول انك تشتري بوصلة مزودة بكتيب تذكر هذي التفاصيل ، ارجو ان اكون افدتك...
ودمتم سالمين ..