نشر في الكويت

الشويخ

yatareem

08-06-2022 - 05:43 am

استفسار أخواني وأخواتي الأعضاء
عندي دورة 3 أيام في منطقة الشويخ التعليمية في شهر مايو القادم
يعني جنب فرع جامعة الكويت بمنطقة الشويخ
وبحثت بواسطة wikimapia
ولم أجد فنادق في المنطقة
إلا فندق واحد
معدوم
وداخل منطقة الميناء
يقولو اسمه منتجع موفمبيك
الناس كلهم في التعليقات على الفندق
في المنتديات الانجليزية
يسبون فيه وفي خدماته
ورائحة الصرف الصحي
تكرمون
هذا غير زحمة إشارات الميناء
والشاحنات
و
السؤال
لأهل الكويت الكرام
هل أسكن بجانب الأفينيوز
أم بجانب المارينا مول
إنتم أدرى بالزحمة وقت الدوام و المسافات
بصراحة
كلكم تمدحون في فندق الكورنيش
وناوي عليه
بس خايف أدفع كثير حق التكاسي
سؤال الثاني
هل يوجد شبكة باصات نظيفة في الكويت مثل حقت دبي واسطنبول الواحد يقدر يعتمد عليها في التنقلات

التعليقات (8)

alrashedq8

08-06-2022 - 08:33 am

اخوي بالعكس الفندق من احسن الفنادق بالكويت ومافي زحمة وايد وسعره مو وايد غالي
يعني انت تقدر توصل المكان اللي تبيه ب5دقايق
ممكن اخواني يفيدونك اكثر

Dhari

08-06-2022 - 09:34 am

أهلا و سهلا بك أخي الكريم...توجد فنادق وسط البلد...
و خاصة اللي على دوار الشيراتون ...
مثل الشيراتون - فور بوينتس - مريديان تاور...
كلها ماتاخذ منك 5 دقائق عن الشويخ.
و هي متجاورة مع بعضها...
و كلّها ذات مستوى و تقييم 5 نجوم أنصحك بها.تقبل تحياتي.

Hambka Q8

08-06-2022 - 10:35 am

اضم صوتي حق صوت ضاري الفنادق اللي قالهم وايد زينين !
و احسن من فندق موفينبك بسبب :
"زحمة إشارات الميناء والشاحنات و بعد زحمه الجامعه"

الملك

08-06-2022 - 11:36 am

فندق الموفنبيك اذا كان الجو رطوبه فعلا ... تصير ريحه الصرف الصحى منتشره في المكان ... يعني مودايما
فمثل ما نصحوك الاخوان ..... الفنادق اللي ذكروها فعلا ممتازه
اما بالنسبه للمواصلات ففيه تكاسي جواله تمشي على تسعيره العداد وهي وايد ارخص من تاكسي تحت الطلب ...اما الباصات .. فاغلبها الجاليه الاسيويه
وحياك الله بالكويت

yatareem

08-06-2022 - 12:37 pm

طيب تسلم أيديكم على الرد
لكن لو سكنت في السالمية
كم الوقت والمسافة اللي بآخذها لآصل للشويخ
في وقت الذروة
طبعاً

Dhari

08-06-2022 - 01:38 pm

أهلا و سهلا فيك أخي الكريم مرة أخرى...
بالنسبة للمسافة فتعتمد على الطريق الذي تسلكه...
على طريق الدائري الخامس و من ثم طريق الغزالي قد يأخذ منك ما يصل إلى 30 دقيقة...
"الساعه ال7-8 صباحا وقت الذروة".
و لكنني أنصحك بشارع الخليج العربي فهو سالك و رائع...
و يوصلك مباشرة إلى الشويخ عند نهاية الشارع.
تقبل تحياتي

سواح كويتي

08-06-2022 - 02:39 pm

هوليدي ان داون تاون افضل الموجود حاليا وسعره مناسب جدا
وبالنسبه لشبكه الباصات راح تكون صعبه عليك لانك جاي 3 ايام فقط
انصحك تتفق مع تاكسي يوصلك يوميا ويرجعك بعد والسعر ماراح يكون كبير يعني المشوار دينارين فقط

bostoon ma

08-06-2022 - 03:40 pm

توكل علي واسكن فندق الموفمبك فندق حلوو وقعدته ماتمل وبنفس المنطقه فيها قهاوي جديده فاتحه حلوه وهاديه (+_-) وقريبه من عملك صج التكاسي الجوال الصبح صعبه تحصلهم بس اتفق مع واحد يوديك الشغل او تاكسي الفندق كلها ثلاث ايام

الكويت المسافرون العرب

الشويخ