أخي الشعيبي .. أسعد الله أوقاتك بكل خير
عندي كم سؤال عن بعض الفنادق ودي توسع صدرك عليهن بعد صلاة الجمعة
ودي أعرف رأيك بالفنادق التالية وإن أمكن إذا عندك تصور عن أسعارها في سبتمبر للغرفة المزدوجة ووش الإطلاله الجيدة في كل فندق ، ونوعية الغرفة والأدوار علوية أو سفلية ..؟
كما أني الاحظ أن بعض مكاتب السفر لدينا لا توفر في عروضها إفطار في بعض الفنادق .. فهل تتوقع أن رسوم الإفطار في هذه الفنادق معقوله ..؟ أم الأفضل أخذ عرض شامل الإفطار .
(بيني وبينك الفطور عندي أهم من الفندق ، ما أدري طعم الفطور في السفر غير ، يمكن علشان ما فيه دوام )
- فندق بان باسيفك ... كوالا
- فندق ماريوت ... كوالا
- فندق ساندي باي بارادايز ... بينانج
- فندق موتيارا ... لنكاوي
أنا أعرف إن فيه فنادق أفضل منها لكن ودي بالتغيير والتوفير .. قبل سنتين جربت ماندرين أورينتال سنواي لاجون راساسايانغ شيراتون بردانا .. لكن ذيك الأيام كانت الميزانية على كيفك ..
أعتذر عن الإطالة .. وأستأذنك ببعض الأسئلة خلال الأسبوع القادم حيث الترتيبات النهائية
لك احترامي وتقديري
رائد الناصر
حياك الله اخوي رائد الناصر وانت تأمر امر يا غالي
وفنادقك حلوة وما بها شيء
بان باسفيك : هذا حبيب البي ...قدامك مول والمنطقة المحيطة
نظيفة وبنايات حكومة وجنبك محطة باص وجنبك محطة lrt
والتكاسي عندك 4 صفوف قدامك تخير اللي يعجبك .
صف الفندق وصف الشارع العام وصف تكاسي المول وصف
تكاسي فندق ليجند ...ناس على مستوى وغرف ولااحلى
وفطورهم ولا اطعم واسعارهم ولا ارخص ...تقول بغيت
فندق اجل بان باسفيك ...5 نجوم ..طبعاً مش بفخامة ماندرين
ولكن طيب وممتاز وسعره فيه .
220-240 الليلة ...بالتاكسي للبرجين او شارعنا المزعوم
دقائق ...وخذها مع الافطار ديلوكس .
ماريوت :عاد معروف هالفندق وعلى شارعنا المزعوم
وفخم وجميل وما عليه كلام وغرفه حلوة ...اكيد تعرفه
ولا ماكان اخترته افضل فندق مستوى بين اللي اخترتها .
0ريال ...مع الافطار وخذها ديلوكس .
ساندي باي : لابأس فيه وطيب ولكن تراه بعيد عن شارعنا
المزعوم ببينانغ ومش في فخامة راسا ساينغ
لكن سعره فيه ومابه شيء وتقدر تاخذ جناح ب210 ريال
ومع الفطور يابلاش ...ان كنتم شخصين اجل خذ ببي فيو
غرفة ديلوكس مطلة على التي وب230 ريال والفرق 20 ريال
وتراه مع الفطور وتراه قريب من راسا ساينغ في حدود
5 دقائق مشي الهوينا وشاطئه عاد انت خابر انه اجمل .
موتيارا : باقوس ممتاز اخوي وسعره فيه اهم شيء انك
عارف انه اقل من بريدانا لكن تراه وناسة وخاصة انه اللي
يشتغلوا بالمنتجع صبيان وصبايا كلهم فرندلي
وخذ لك كابينة على البحر وفي حدود 250 ريال مع الفطور .
اي عرض خذه مع الافطار ...رحت في يوم احجز فندق حضورياً
فقال ودك بالفطور ولا لا ...كان نيتي احط شنطي وعفشي
بالفندق وبعدها خارج وما ارجع الا اليوم الثاني فما احتاج للفطور
فسألته بكم بالفطور وبكم دونه ...فقال بالفطور 220 ومن غير
فطور 220 وابتسم ...قلت عجيب لا اجل مع الفطور ممكن
ارجع بدري واخسركم واحلل الي دفعته .
قصدي خذها بالفطور ...وبعضهم يخلي الفطور خارجي ويكلف
16-25 رينجيت .
خذها بالفطور ...وعلى قولتك لها نكهة
وصلي الفجر وانزل تلقى الدنيا كلها طازة
والله يحييك اخوي لو عندك اي استفسار والشباب كلهم
مايقصرون وفيهم الخير والبركة
وتحياتي لك اخوي رائد الناصر والسلام عليكم