AL_AMEER
30-04-2022 - 08:34 am
الاخوه الاعزاء اخيرا وبعد جولات وصولات في هذا المنتدى الجميل قررنا ان يكون برنامجنا على النحوالتالي :
4 ليالي في كوالا في فندق ريجنت
4 ليالي في بينانج في فندق راسا سيانج
2 في لنكاوي في فندق شيرتون بردانا
8 ليالي كولا في فندق ريجنت وفندق ريساينس
اتمنى منكم ابداء ملاحضاتكم وهل التقسيمه ممتازه ام تحتاج الى اعادة نظر . وهل الفنادق مستواها وموقعها جيد . وهل هناك اماكن تستحق الزياره لم يتضمنها البرنامج
اخوكم فهد
حياك الله اخوي الامير فهد وابشر يا اخوي وحنا على امرك .
ودي اخرب برنامجك تسمح لي
نخليها على فنادقك ...لكن ترتيب المدن حتتغير .
كوالا4 ريجينت .
لانكاوي3 شيراتون بيردانا .
بينانغ4 راساساينغ .
كاميرون2 اكواتوريال .
كوالا5 ...
تلاحظ يا اخوي نقصت 3 ليالي من كوالا الاخيرة ...ليلتين لكاميرون وليلة للنكاوي .
فنادقك كلها حلوة ...لكن ريساينس تراها مسافة شوي عن شارعناالمزعوم لو بغيتها كعابي .
خليت فندق كوالا الاخيرة مفتوحة ...رأيي بما انك ذقت وجربت ريجنت في البداية
اختار فندق اخر للنهاية ...تشكيل الوجبة يا اخوي مهم ويفتح النفس .
ريساينس ممتاز ...لكن لابد انك تعرف انه ما يطل على شارعنا المزعوم .
وبالتاكسي دقائق ....اضفت لك كاميرون لانها تستاهل ...في ناس يخافون
من الطريق مع اني ما اشوف انه خطير ...بالعكس ممتع جداً ...عاد تعرف
كل له رأيه ونحترم اراء الجميع ...ولنكاوي زدتها ليلة ..ان شاء الله
تكون من عشاق الرومانسية ولنكاوي تستاهل .
موفق اخوي الامير فهد برحلتك بأذن الله وتروحوا وترجعوا بالسلامة .
والسلام عليكم