اهلا وسهلا بك اخي الكريم showg
اولا بالنسبة للاستفسارات هناك ساحة خاصه بالاستفسارات ...
اما عن موضوع جبل اولوداغ فقضاء 4 ايام في الجبل كثيره جدا " مع العلم تجربتي كانت في فصل الصيف " وكانت زيارتي له 4 ساعات فقط ..
ولا اعلم اذا كان هناك نشاطات شتوية خاصه في الجبل ..
لعل الاعضاء اذا كان من جرّب السياحة الشتوية في جبل اولداغ يجيب .. ويفيدنا جميعاً ..
تقبل التحية

السلام عليكم
أشكر للأخ العزيز تركي السبيعي نقله الموضوع لساحة الأستفسارات وتعليقه اللطيف عليه
أرجو ممن خاض تجربة المبيت في الجبل ان يسترجع معنا تلك الأيام
لكي نستفيد من تجربته

الأخوة الأعزاء
لم يقابل استفساري اجابات تفي بالغرض, كنت أتوقع أن المبيت بالجبل وممارسة الرياضيات الشتوية
متعة مارسها الكثير من مرتادي هذا المنتدى الغالي
أرجو مشاركة أخينا " محيرني النقل "

1. السلام عليكم ..

السلام عليكم ..

بصراحه هو جميل جدا بالشتاء اكثر من الصيف وفعلا مثل ماقال الاخ ابوتركي بالصيف يكفيك فيه ساعتين حتى الكافيهات والمطاعم اللي فيه تلقاها مقفله كلها تقريبا وساعتين تكفيك انك تتمشى فيه وتتمتع شوي بطبيعته والنسيم العليل وبس مافيه اي نشاطات ممكن تمارس بالصيف .. لكن بالشتاء غير النقيض تماما عن الصيف ويكون ممتليئ بالسياح وكذلك اهل البلد نفسها يزورونه وتفتح كل المقاهي والمطاعم اللي فيه ويصير عالم ثاني يختلف تماما عن الصيف .. والسبب انه يكون مغطيه الثلج ويصير منتجع للتزلج ويعج بالزوار يعني مثل جبل فاريا بلبنان وقت الشتاء واعتقد فيه بالجبل نفسه موتيلات صغيره تقدر تسكنها بس انا انصح انك ماتسكن فيها عشان بالليل بيكون ملل وهدؤ .. انا مثلا سكنت في بورصه بالهوليدي ان وكنت اروح للجيل واستمتع بالتزلج ولما تظلم يقفل كل شي ونرجع للفندق نرتاح ونبدل ثم نطلع لاي مكان سواء مقهى او مول ونتمشى ونتعشى ونرجع بالليل للفندق واليوم الثاني نروح للجبل ونستمتع بالتزلج واجواءه والمسافه مو بعيده مره والطريق ممتع بصراحه ,, ووقت عطلة نهاية الاسبوع يكون اكثر زحمه لان اهل البلد نفسه يطلعون له .. وصدقني راح تستمتع فيه وخاصة اذا معك اهل او صحبه و 4 ايام مناسبه وماينمل بصراحه ..وومكن في يوم من هالايام الاربعه تغير و تروح لترمال وتستمتع بالحمامات التركيه هناك وينابيعها الحاره , احنا مثلا في يوم غيرنا عن الجبل ومارحنا له وبعد ماقمنا بالصباح وافطرنا مشينا لترمال وكان معنا سياره خاصه بسواقها وكانت المسافه تقريبا 60 كيلو أو اكثر شوي والطريق ممتع وحلو ولما وصلنا جلسنا نريح شوي وشربنا الشاي التركي في المقهى وبعدين دخلنا الحمامات واستمتعنا فيها مره لاننا كنا مجموعه ثم يوم خلصنا تغدينا هناك وكان الجو ممتع مره والمطاعم كذلك حلوه ثم رجعنا وعلى بال ماوصلنا كان الليل تقريبا , ريحنا ونزلنا بعد كذا تعشينا بنفس الفندق .. وكان هذا جدول يوم كامل .. وكذلك تقدر في يوم ثاني انك تتمشى بالسوق المسقوف اللي هناك وكذلك السوق المصري جنبه وفيه جلسات حلوه برضه عند السوق ومطاعم وبهذه الطريقه راح يوم ثاني ولا بقالك الا يومين بالجبل وانا متأكده انها ماراح تكفيك ..
اتمنى اكون قدرت افيدك .. تحياتي